سولتۇستىك چوللا پروۆينسياسىنا الماتى وبلىسىنان ارنايى دەلەگاسيا باردى.
ەكى ەل فارماسيەۆتيكا، تەمەكى ءوندىرىسى جانە اۋىل شارۋاشىلىعى سالالارىنداعى بايلانىستى دامىتپاق.
سولتۇستىك چوللا پروۆينسياسى مەن الماتى وبلىسىنىڭ تابيعاتتارى ۇقساس. بۇل ايماقتا 2 ميلليونعا جۋىق ادام تۇرادى. جانە مۇندا اۋىل شارۋاشىلىق سالاسى جاقسى دامىعان. سولتۇستىك چوللا – كوكونىس پەن جەمىستىڭ وڭتۇستىك كورەيانىڭ ەڭ ءىرى ءوندىرۋشىسى. سوندىقتان كەلىسسوزدەر نەگىزىنەن اگروونەركاسىپ كەشەنىندەگى ىنتىماقتاستىق تۋرالى بولدى، دەپ حابارلايدى Almaty-akshamy.kz 24.kz-كە سىلتەمە جاساپ.
وڭتۇستىك كورەيانىڭ اۋىلدارىندا ماماندار تاپشى. سوندىقتان 2021 جىلدان باستاپ ۇكىمەت 39 جاسقا دەيىنگى جاستاردى اقىلدى فەرمالاردى باسقارۋعا تەگىن ۇيرەتە باستادى. ولار 2 جىل وقىپ، ايىنا 700 دوللارداي شاكىرتاقى الادى. ال وقۋدى بىتىرگەننەن كەيىن تۇلەكتەرگە جەڭىلدىكپەن جەر جالعا بەرىلەدى. جاس مامان اقىلدى فەرمانىڭ كومەگىمەن 3 جىلدا 100 000 دوللارعا دەيىن تابىس تابا الادى. وقۋ ورتالىعىنىڭ قۇرىلىسىنا 89 ميلليون دوللار جۇمسالعان. بۇل قارجىنىڭ 70 پايىزى مەملەكەتتىك بيۋدجەتتەن، 30 پايىزى جەرگىلىكتى قازىنادان بولىنگەن.
«بىزگە دە ول وتە قولايلى ويتكەنى بۇگىنگى كۇنگە جاستار كوبىسى جەرمەن اينالىسقىسى كەلەدى، قايتادان اۋىلعا قايتقىسى كەلەدى. ءبىراق وعان ءبىلىم كەرەك، بۇگىنگى تەحنولوگيالارعا، بۇگىنگى زاماناۋي ءبىلىم كەرەك. سونىمەن بۇلاردىڭ سمارت فەرماسى تەك قانا فەرما مەن تەپليسا ەمەس جالپى مىناۋ جاستاردى تارتىپ ولارعا كومپەتەنسيالارىن جوعارىلاتىپ ارى قاراي بيزنەسكە وزدەرىنىڭ جوبالارىن ءىسىن باستاۋعا وسىنداي جۇمىستى اتقارادى ەكەن»، - دەيدى الماتى وبلىسىنىڭ اكىمى مارات سۇلتانعازييەۆ.
كورەيالىقتار الماتى وبلىسى، قاراساي اۋدانىندا زاۋىت سالۋ ماسەلەسىن تالقىلادى. جوبا كەلەسى ايدا باستالادى دەپ جوسپارلانۋدا. زاۋىت الداعى ۋاقىتتا فارماسيەۆتيكالىق ونىمدەر
«الماتى وبلىسى اكىمدىگىمەن بىرلەسىپ تەمەكى سالاسىن دامىتامىز. تەحنيكالىق مۇمكىندىكتەرىمىز بەن ساپامىزدى پايدالانا وتىرىپ، ءبىز زاۋىت سالامىز. وندىرىستە قازاقستاندىق جانە يمپورتتىق شيكىزاتتى پايدالاناتىن بولامىز. بۇگىن رەسەيدە، تۇركيادا، يندونەزيادا زاۋىتتارىمىز بار»، - دەيدى تەمەكى زاۋىتىنىڭ ديرەكتورى مەن كەن حو.
قازاقستان مەن كورەيا مادەني سالادا دا ىنتىماقتاستىقتى تەرەڭدەتۋگە كەلىستى. وسى ماقساتتا كەلەر ايدا پروۆينسيا دەلەگاسياسى قونايەۆقا كەلەدى. ال قاراشا ايىندا سولتۇستىك چوللادا الماتى وبلىسىنىڭ ءىرى كومپانيالارىنىڭ قاتىسۋىمەن بيزنەس-فورۋم وتكىزۋ جوسپارلاندى