الماتىدا وتاندىق تاۋار وندىرۋشىلەردىڭ جىل سايىنعى «Ulttyq Ónim» كورمەسى باستالدى. ءىس-شاراعا 300-دەن استام وتاندىق، ونىڭ ىشىندە 30 الماتىلىق كومپانيا قاتىسادى، ولار تاماق، قۇرىلىس، جيھاز، توقىما ونەركاسىبى، كادەسىي جانە ت.ب. ونىمدەردى وندىرەدى، - دەپ حابارلايدى almaty-akshamy.kz
كورمەنىڭ اشىلۋىندا ەربولات دوسايەۆ اتاپ وتكەندەي، مۇنداي اۋقىمدى ءىس-شارانى وتكىزۋ الماتىنىڭ وڭىردەگى جانە ەلدەگى ىسكەرلىك تارتىمدىلىق ورتالىعى رەتىندەگى مارتەبەسىن كورسەتەدى. جيىن كاسىپكەرلەرگە جاڭا سەرىكتەستەر مەن وتكىزۋ نارىعىن تابۋعا جول اشىپ، ءونىمىن كورسەتۋگە مۇمكىندىك بەرەدى، ال ىسكەرلىك باعدارلاما ءوڭىرارالىق ىنتىماقتاستىقتى ودان ءارى نىعايتۋعا جانە كاسىپورىندار اراسىندا كووپەراسيالىق بايلانىستار قۇرۋعا باعىتتالعان وزەكتى تاقىرىپتاردى تالقىلاۋعا ارنالعان پلاتفورما بولادى.
«بيىل جىل باسىنان بەرى مەگاپوليستە ىسكەرلىك بەلسەندىلىك ايتارلىقتاي ءوستى. وسى جىلدىڭ ءبىرىنشى توقسانىندا ىسكەرلىك بەلسەندىلىك يندەكسىنىڭ دەڭگەيى بويىنشا (57،9%) الماتى قازاقستان وڭىرلەر اراسىندا ءبىرىنشى ورىنعا شىقتى. قىسقا مەرزىمدى ەكونوميكالىق كورسەتكىش شامامەن 24%-عا ءوستى. شوب دامىتۋ اركەز ءبىزدىڭ نازارىمىزدا. بيىل مەملەكەتتىك جانە قالالىق باعدارلامالار اياسىندا ەكونوميكانىڭ باسىم باعىتتارى مەن سالاسىنداعى 3 مىڭنان استام جوبانى قولداۋ ءۇشىن 44 ملرد.تەڭگە ءبولىندى»، - دەدى الماتى اكىمى ەربولات دوسايەۆ.
الماتى – بيزنەس جانە كاپيتال ورتالىعى. 2022 جىلدىڭ قورىتىندىسى بويىنشا الماتىنىڭ ءجوو 5،1%-عا ءوستى. كاسىپكەرلىك باستامانىڭ ارقاسىندا بۇگىندە قالا ەكونوميكانىڭ بەستەن ءبىر بولىگىن (2022 جىلى 18،5%) جانە رەسپۋبليكالىق بيۋدجەت كىرىسىنىڭ تورتتەن ءبىرىن قامتاماسىز ەتەدى.
«Ulttyq Ónim» قازاقستاندىق تاۋارلار كورمەسىن الماتى قالاسى اكىمدىگىنىڭ قولداۋىمەن «دامۋ» كاسىپكەرلىكتى دامىتۋ قورى ۇيىمداستىردى. 5-7 مامىر ارالىعىندا ءىس-شارا اياسىندا قازاقستاندىق ديزاينەرلەردىڭ ءسان كورسەتىلىمى ءوتىپ، كونسەرتتىك باعدارلاما، كورمەگە كەلۋشىلەردىڭ اراسىندا ۇتىس ويىنى ويناتىلادى.