قازاقستاندىقتار الەمنىڭ ءبىرقاتار ەلىنە ۆيزاسىز بارا الادى. سول سياقتى شەتەلدىك ازاماتتار دا ەلىمىزگە ۆيزاسىز كىرە الادى. ولاردىڭ قاتارىندا جاقىن جانە الىس شەتەلدىڭ ازاماتتارى بار، -دەپ حابارلايدى Almaty-akshamy.kz. BAQ.KZ-كە سىلتەمە جاساپ.
تومەندە كەلتىرىلگەن دەرەكتەردى WPK كەڭەسشىلەرى 2023 جىلدىڭ ناۋرىز ايىنداعى ەرەجەلەر نەگىزىندە دايىنداعان.
قازاقستان رەسپۋبليكاسىنا كەلۋ ءۇشىن شەتەلدىك ازاماتتارعا ساپاردىڭ ماقساتىنا جانە بولۋ مەرزىمىنە بايلانىستى ۆيزا تالاپ ەتىلەدى.
قازاقستاندىق ۆيزا ساناتتارى:
- ىسكەرلىك ۆيزا
- جۇمىس ۆيزاسى
- وتباسىلىق ۆيزا
- جەكە ۆيزا
- تۋريستىك ۆيزا
- ينۆەستور ۆيزاسى
- ىسكەرلىك يمميگراسيالىق ۆيزا
- تۇرۋعا رۇقسات الۋ ءۇشىن ۆيزا
قازاقستان ءوزارا ۆيزاسىز ساپارلار تۋرالى ەكىجاقتى كەلىسىمدەر جاساسقان ەلدەردىڭ ازاماتتارىنا ۆيزا تالاپ ەتىلمەيدى. مىسالى، رەسەيمەن نەمەسە ازىربايجانمەن.
جاقىن شەتەل:
| ازاماتتىعى | قر-عا كىرۋ | بولۋ مەرزىمى |
| ازەربايجان | ۆيزاسىز | 90 كۇنگە دەيىن نەمەسە ۋاقىتشا تۇرۋعا رۇقساتتىڭ مەرزىمى |
| ارمەنيا | ۆيزاسىز | 90 كۇنگە دەيىن نەمەسە ۋاقىتشا تۇرۋعا رۇقساتتىڭ مەرزىمى |
| بەلارۋس | ۆيزاسىز | 90 كۇنگە دەيىن نەمەسە ۋاقىتشا تۇرۋعا رۇقساتتىڭ مەرزىمى |
| گرۋزيا | ۆيزاسىز | 90 كۇنگە دەيىن نەمەسە ۋاقىتشا تۇرۋعا رۇقساتتىڭ مەرزىمى |
| قىرعىزستان | ۆيزاسىز | 90 كۇنگە دەيىن نەمەسە ۋاقىتشا تۇرۋعا رۇقساتتىڭ مەرزىمى |
| مولدوۆا | ۆيزاسىز | 90 كۇنگە دەيىن نەمەسە ۋاقىتشا تۇرۋعا رۇقساتتىڭ مەرزىمى |
| رەسەي | ۆيزاسىز | 90 كۇنگە دەيىن نەمەسە ۋاقىتشا تۇرۋعا رۇقساتتىڭ مەرزىمى |
| تاجىكستان | ۆيزاسىز | 90 كۇنگە دەيىن نەمەسە ۋاقىتشا تۇرۋعا رۇقساتتىڭ مەرزىمى |
| تۇركىمەنستان | ۆيزا | ۆيزا مەرزىمى |
| وزبەكستان | ۆيزاسىز | 30 كۇنگە دەيىن نەمەسە ۋاقىتشا تۇرۋعا رۇقساتتىڭ مەرزىمى |
| ۋكراينا | ۆيزاسىز | 180 كۇن ىشىندە 90 كۇنگە دەيىن نەمەسە ۆيزا مەرزىمى |
الىس شەتەل:
بۇل ەلدەر ازاماتتارىنىڭ كەلۋ جانە بولۋ ءتارتىبى ەكىجاقتى كەلىسىمدەرمەن انىقتالادى.
| ازاماتتىعى | قر-عا كىرۋ | بولۋ مەرزىمى |
| اندوررا | ۆيزاسىز | 30 كۇنگە دەيىن نەمەسە ۆيزا مەرزىمى |
| ارگەنتينا | ۆيزاسىز | ءبىر جىل ىشىندە 30 كۇنگە دەيىن نەمەسە ۆيزا مەرزىمى |
| برازيليا | ۆيزاسىز | ءبىر جىل ىشىندە 30 كۇنگە دەيىن نەمەسە ۆيزا مەرزىمى |
| گونكونگ | ۆيزاسىز | 14 كۇنگە دەيىن نەمەسە ۆيزا مەرزىمى |
| مالديۆى | ۆيزاسىز | 30 كۇنگە دەيىن نەمەسە ۆيزا مەرزىمى |
| موڭعوليا | ۆيزاسىز | 90 كۇنگە دەيىن نەمەسە ۆيزا مەرزىمى |
| ءباا | ۆيزاسىز | 30 كۇنگە دەيىن نەمەسە ۆيزا مەرزىمى |
| سەربيا | ۆيزاسىز | 30 كۇنگە دەيىن نەمەسە ۆيزا مەرزىمى |
| تۇركيا | ۆيزاسىز | 30 كۇنگە دەيىن نەمەسە ۆيزا مەرزىمى |
| ەكۆادور | ۆيزاسىز | ءار 180 كۇندىك كەزەڭ ىشىندە 30 كۇنگە دەيىن نەمەسە ۆيزا مەرزىمى |
| وڭتۇستىك كورەيا | ۆيزاسىز | 30 كۇنگە دەيىن، ءبىراق ءاربىر 180 كۇندىك كەزەڭ ىشىندە 60 كۇنتىزبەلىك كۇننەن ارتىق ەمەس نەمەسە ۆيزانىڭ ۇزاقتىعى |
ۆيزاسىز رەجيم
2022 جىلدىڭ قاڭتارىندا قازاقستان 54 ەلدىڭ ازاماتتارى ءۇشىن ۆيزاسىز رەجيمدى قالپىنا كەلتىردى.
| اۆستراليا | يرلانديا | مالتا | اقش |
| اۆستريا | يسلانديا | مەكسيكا | تايلاند |
| باحرەين | يسپانيا | موناكو | فيليپپين |
| بەلگيا | يتاليا | نيدەرلاندى | فينليانديا |
| بولگاريا | كانادا | جاڭا زەلانديا | فرانسيا |
| ۆاتيكان | كاتار | نورۆەگيا | حورۆاتيا |
| ۇلىبريتانيا | كيپر | ومان | چەحيا |
| ۆەنگريا | كولۋمبيا | پولشا | چيلي |
| ۆەتنام | كۋۆەيت | پورتۋگاليا | شۆەيساريا |
| گەرمانيا | لاتۆيا | رۋمىنيا | شۆەسيا |
| گرەسيا | ليتۆا | ساۋد ارابياسى | ەستونيا |
| دانيا | ليحتەنشتەين | سينگاپۋر | جاپونيا |
| يزرايل | ليۋكسەمبۋرگ | سلوۆاكيا | |
| يندونەزيا | مالايزيا | سلوۆەنيا |
54 ەلدىڭ ازاماتتارى قازاقستاندا ءار كەلگەن سايىن 30 كۇنگە دەيىن ۆيزاسىز بولا الادى. ساپارلار سانى شەكتەۋسىز. الايدا، مۇنداي ساپارلار بويىنشا جيىنتىق مەرزىم 180 كۇندىك كەزەڭ ىشىندە 90 كۇننەن اسپاۋى كەرەك.
ۆيزاسىز رەجيم بويىنشا شەتەل ازاماتتارى قازاقستانعا تۋريستىك، جەكە جانە قىسقا مەرزىمدى ىسكەرلىك ماقساتتا كەلە الادى. ءىسساپارلارعا كەزدەسۋلەر مەن كەلىسسوزدەر، شارتتار جاساسۋ، سونداي-اق كونفەرەنسيالار مەن فورۋمدارعا قاتىسۋ بولۋى مۇمكىن.
ۆيزاسىز ساپارلار شەڭبەرىندە شەتەلدىكتەرگە قازاقستان رەسپۋبليكاسىنىڭ اۋماعىندا ەڭبەك نەمەسە وزگە دە اقىلى قىزمەتپەن اينالىسۋعا تىيىم سالىنادى. سونداي-اق كەز كەلگەن مونتاجداۋ جانە جوندەۋ جۇمىستارىنا، كونسۋلتاسيالىق جانە اۋديتورلىق قىزمەتتەرگە، وقۋ ساباقتارىنا تىيىم سالىنادى. مۇنداي ماقساتتار ءۇشىن ۆيزا قاجەت.
ۆيزاسىز رەجيم - 14 كۇن
2022 جىلى قازاقستان ءۇندىستان، يران جانە جۇڭگو ازاماتتارى ءۇشىن ۆيزاسىز رەجيم اشتى. بۇل ەلدەردىڭ ازاماتتارى ءۇشىن ۆيزاسىز رەجيم ءبىرجاقتى تارتىپتە جۇمىس ىستەيدى.
جاڭا ەرەجەگە سايكەس، ءۇندىستان، يران جانە جۇڭگو ازاماتتارى قازاقستانعا ىسكەرلىك، جەكە جانە تۋريستىك ماقساتپەن شەكارادان وتكەن ساتتەن باستاپ كۇنتىزبەلىك 14 كۇنگە دەيىن ۆيزاسىز كىرە الادى.
قازاقستان-قىتاي: ەكىجاقتى ۆيزاسىز رەجيم ەنگىزىلەدى
قازاقستان ازاماتتارى مەملەكەتتىك شەكارادان وتكەن سوڭ جۇڭگو اۋماعىندا 30 كۇنگە دەيىن ۆيزاسىز بولا الادى. مۇنداي جەڭىلدىكتى قۇجاتقا قول قويىلعاننان كەيىن جۇڭگو ازاماتتارى دا پايدالانا الادى.
ياعني تۋريستەر شەكارادان وتكەن ساتتەن باستاپ 30 كۇننەن جانە 180 كۇندىك كەزەڭدە 90 كۇننەن اسپايتىن مەرزىمدە بولا الادى.
ەگەر وسى ەلدەردىڭ ءبىرىنىڭ ازاماتتارى ەكىنشى تاراپ مەملەكەتىنىڭ اۋماعىندا كوزدەلگەن مەرزىمنەن ۇزاعىراق قالۋعا نيەت بىلدىرسە، وندا ولار مەملەكەت اۋماعىنا كىرگەنگە دەيىن ءتيىستى ۆيزاعا جۇگىنۋگە ءتيىس.
قازاقستاندىقتار ءۇشىن جارامدى جول ءجۇرۋ قۇجاتتارى:
- ق ر ازاماتتىنىڭ ءتولقۇجاتى؛
- ق ر اۋماعىنا قايتۋ تۋرالى كۋالىك.
جۇڭگو ازاماتتارى ءۇشىن:
- قحر ازاماتىنىڭ جارتىلاي قىزمەتتىك ءتولقۇجاتى؛
- قحر ازاماتىنىڭ ءتولقۇجاتى؛
- ۋاقىتشا جول ءجۇرۋ قۇجاتى.
كەلىسىمگە وسى ايدا قول قويىلسا، ەكىجاقتى ۆيزاسىز رەجيم كۇشىنە ەنەدى.
تاعى 26 ەلمەن ۆيزاسىز رەجيم ەنگىزىلۋى مۇمكىن
قازاقستان 26 ەلمەن ءوزارا ۆيزاسىز رەجيم ەنگىزۋ تۋرالى كەلىسسوز جۇرگىزىپ جاتىر. ولاردىڭ قاتارىندا اۆستريا، ساۋد ارابياسى، سان-مارينو، باحرەين جانە باسقالارى بار.
شەتەلدىك ساياحاتشىلاردىڭ قازاقستانعا قىزىعۋشىلىعى جوعارى. سول سەبەپتى ءبىز ەلىمىزدىڭ تۋريستىك الەۋەتىن تولىق اشۋ ءۇشىن جۇيەلى تۇردە جۇمىس ىستەپ جاتىرمىز. ونىڭ ىشىندە كەلۋشى تۋريستەر اعىنىن ۇلعايتۋ ماقساتىنداعى ءىس-شارالار بار. سونىمەن قاتار، ءبىز كوشى-قوندى باقىلاۋدى جاقسارتۋعا مۇمكىندىك بەرەتىن تەتىكتەردى ىسكە اسىرىپ وتىرمىز. سونىڭ ءبىرى eQonaq اقپاراتتىق جۇيەسى، - دەدى مادەنيەت جانە سپورت مينيسترلىگىنىڭ رەسمي وكىلى ءمولدىر ابدۋالييەۆا.