الماتى وبلىسى ونلاين ساناقتا الدا
جالپىۇلتتىق ساناقتىڭ ەكى اپتالىق ونلاين كەزەڭىندە رەسپوندەنتتەردىڭ باسىم بولىگى sanaq.gov.kz سايتىن پايدالانعان، دەپ حابارلايدى Almaty-akshamy.kz قازاقپارات سايتىنا سىلتەمە جاساپ. بۇل تۋرالى ۇلتتىق ستاتيستيكا بيۋروسىنىڭ باسپا ءسوز قىزمەتى ءمالىم ەتتى.
«15 قىركۇيەك ساعات 14:00-دەگى جاعداي بويىنشا، 3 024 216 رەسپوندەنت ونلاين ساناقتان وتكەن. ولاردىڭ 2 607 643ء-ى sanaq.gov.kz سايتىندا، 297546 ادام Egov پورتالىندا تىركەلۋ ارقىلى جاۋاپ بەرسە، 119027 ادام ساناققا اitu قوسىمشاسى ارقىلى قاتىستى»، - دەپ جازادى ۆەدومستۆونىڭ باسپا ءسوز قىزمەتى.
رەسمي مالىمەت بويىنشا، ونلاين ساناقتىڭ العاشقى قورىتىندىسى بويىنشا الماتى وبلىسى الدا كەلەدى.
«قازىرگى ۋاقىتتا الماتى وبلىسى الدا. مۇندا 313919 تۇرعىن ساناقتان وتكەنى جايلى حابارلاما العان. الماتى قالاسىندا ونلاين ساناقتان وتكەن 278 432 ادام تىركەلگەن. ۇزدىك ۇشتىكتى تۇركىستان وبلىسى تۇيىندەدى. مۇندا 247175 ادام ساناق ساۋالدارىنا ونلاين رەجيمدە جاۋاپ بەردى. بۇل كورسەتكىش بويىنشا ازىرگە سوڭعى ەكى ورىندى اتىراۋ جانە ماڭعىستاۋ وبلىستارى ەنشىلەپ تۇر. بۇل وڭىرلەردە سايكەسىنشە 79 881 جانە 71 886 ادام ساناقتان ءوتتى»، - دەلىنگەن ۆەدومستۆونىڭ اقپاراتىندا.
ال، جەرگىلىكتى حالىق سانىنا شاققاندا ساناقتان وتكەندەردىڭ ۇلەسى بويىنشا قىزىلوردا وبلىسى الدا تۇر. مۇندا ازاماتتاردىڭ 28،6%-ى ونلاين ساناققا قاتىسقان. 1 تامىزداعى جاعداي بويىنشا، وڭىردە 823 052 تۇرعىن بار. بۇل كورسەتكىش بويىنشا باتىس قازاقستان وبلىسى ەكىنشى ورىندا. مۇندا تۇرعىنداردىڭ 24،7% بۇگىنگە دەيىن ساناقتان ونلاين رەجيمدە وتكەن. 1 تامىزداعى جاعداي بويىنشا، وڭىردە 749754 ادام تىركەلگەن»، - دەپ جازادى ۇلتتىق ستاتيستيكا بيۋروسىنىڭ باسپا ءسوز قىزمەتى.