مەملەكەت باسشىسى ءىسساپارعا اتتاندى
قازاقستان پرەزيدەنتى 16-17 قىركۇيەك كۇندەرى وتەتىن ۇقشۇ ۇجىمدىق قاۋىپسىزدىك كەڭەسىنىڭ سەسسياسىنا جانە شانحاي ىنتىماقتاستىق ۇيىمىنا مۇشە مەملەكەت باسشىلارى كەڭەسىنىڭ وتىرىسىنا قاتىسادى، دەپ حابارلايدى Almaty-akshamy.kz قازاقپارات سايتىنا سىلتەمە جاساپ. بۇل تۋرالى پرەزيدەنتتىڭ باسپا ءسوز حاتشىسى بەرىك ءۋالي Facebook-تە جازعان.
«ءىس-شارالاردا اۋعانستاننىڭ قازىرگى احۋالى، حالىقارالىق جانە ايماقتىق قاۋىپسىزدىك، اتالعان ۇيىمدارعا مۇشە مەملەكەتتەردىڭ ىنتىماقتاستىق ماسەلەلەرى تالقىلانادى. سونىمەن قاتار قاسىم-جومارت توقايەۆ ءبىرقاتار مەملەكەت باسشىلارىمەن ەكىجاقتى كەزدەسۋلەر وتكىزەدى»، - دەپ اتاپ وتكەن بەرىك ءۋالي.