شۇعىل حابارلاما!
ۇلتتىق ستاتيستيكا بيۋروسى اndroid پلاتفورماسىنا ارنالعان PlayMarket سەرۆيسىندەگى «ونلاين پەرەپيس ناسەلەنيا-2021» ءموبيلدى قوسىمشاسى رەسمي ەمەس ەكەنىن مالىمدەيدى، دەپ حابارلايدى Almaty-akshamy.kz.
وسىعان قاتىستى ۇلتتىق ستاتيستيكا بيۋروسى ول قوسىمشانى قولدانا وتىرىپ، ساناقتان وتكەن ازاماتتاردىڭ ۇسىنعان باستاپقى ستاتيستيكالىق مالىمەتتەرىنىڭ قۇپيالىلىعى ساقتالاتىنىنا كەپىلدىك بەرمەيدى.
ەستەرىڭىزگە سالا كەتەيىك، قازىرگى ۋاقىتتا رەسپوندەنتتەرگە ساناقتان ونلاين رەجيمدە ءوتۋدىڭ بىرنەشە جولى قاراستىرىلعان: SANAQ.GOV.KZ سايتى، E-GOV پورتالىندا تىركەلۋ جانە AITU ءموبيلدى قوسىمشاسى. ازاماتتاردىڭ ىڭعايلىلىعى ءۇشىن كونسۋلتانتتارى بار ساناق بۇرىشتارى ۇيىمداستىرىلدى.
ۇلتتىق ستاتيستيكا بيۋروسى ازاماتتاردىڭ بەلسەندىلىگى ءۇشىن العىس ايتا وتىرىپ، ساناقتى ونلاين وتۋگە شاقىرادى. sanaq.gov.kz سايتى 15 قازانعا دەيىن تاۋلىك بويى قولجەتىمدى بولماق. ونلاين ساناقتان وتپەگەندەر 1-30 قازان ارالىعىندا ينتەرۆيۋەرلەردىڭ ساۋالدارىنا جاۋاپ بەرە الادى.
بارلىق ساۋالدار بويىنشا 1446 بايلانىس ورتالىعىنا حابارلاسۋعا بولادى. قوڭىراۋ شالۋ تەگىن.