ماعزۇم مىرزاعالييەۆ جاڭا قىزمەتكە تاعايىندالدى

ول ەنەرگەتيكا ءمينيسترى بولىپ تاعايىندالدى.

قازاقستاننىڭ بۇرىنعى ەكولوگيا، گەولوگيا جانە تابيعي رەسۋرستار ءمينيسترى ماعزۇم مىرزاعالييەۆ ەنەرگەتيكا ءمينيسترى بولىپ تاعايىندالدى، دەپ حابارلايدى Almaty-akshamy.kz Almaty.tv سىلتەمە جاساپ.

ماعزۇم مارات ۇلى مىرزاعالييەۆ 2019 جىلى قازاقستان رەسپۋبليكاسىنىڭ ەكولوگيا، گەولوگيا جانە تابيعي رەسۋرستار ءمينيسترى بولىپ تاعايىندالعان. وعان دەيىن ماعزۇم مىرزاعالييەۆ 2014 جىلدىڭ تامىز ايىنان باستاپ ەنەرگەتيكا ۆيسە-مينيسترى قىزمەتىن اتقارعان.

ماعزۇم مىرزاعالييەۆ 1978 جىلى 7 قاراشادا الماتىدا دۇنيەگە كەلگەن. 1999 جىلى "تۇران" ۋنيۆەرسيتەتىن "ەكونوميست" ماماندىعى بويىنشا ءتامامداعان. ل.ن. گۋميليەۆ اتىنداعى ەۋرازيا ۇلتتىق ۋنيۆەرسيتەتىنىڭ حالىقارالىق قاتىناستار سالاسىنداعى ديپلوماتيالىق اكادەمياسىندا وقىدى. ەسەنوۆ اتىنداعى كاسپيي مەملەكەتتىك تەحنولوگيالار جانە ينجينيرينگ ۋنيۆەرسيتەتىندە "مۇناي-گاز كەن ورىندارىن يگەرۋ" ماماندىعى بويىنشا ءبىلىم العان.

ەڭبەك ءوتىلىن تەڭىز كەن ورىندارىندا جانە باتىس سىبىردە بۇرعىلاۋ ەرىتىندىلەرى جونىندەگى ينجەنەر بولىپ باستادى، اقش پەن مالايزيادا تاعىلىمدامادان ءوتتى.

2004-2007 جىلدارى MI Drilling Fluids International اقتاۋ فيليالىنىڭ ءوندىرىس جونىندەگى مەنەدجەرى-باسشىسى بولىپ جۇمىس ىستەدى. 2010 جىلعا دەيىن "تەڭىزسەرۆيس "ج ش س باس ديرەكتورى بولىپ قىزمەت ەتتى.

2010-2012 جىلدارى - "قازمۇنايگاز "ۇك" اق سەرۆيستىك جوبالار جونىندەگى باسقارۋشى ديرەكتورى، كەيىننەن "قازمۇنايگاز"ۇك" اق يننوۆاسيالىق دامۋ جانە سەرۆيستىك جوبالار جونىندەگى باسقارما ءتوراعاسىنىڭ ورىنباسارى قىزمەتىن اتقاردى.

2013 جىلدىڭ قازان ايىنان باستاپ مۇناي جانە گاز ۆيسە-مينيسترى، 2014 جىلدىڭ تامىز ايىنان باستاپ ەنەرگەتيكا ۆيسە-مينيسترى بولدى. "قۇرمەت" وردەنىمەن جانە ەكى مەدالمەن ماراپاتتالعان.