ونكولوگ قانداي ساندىك پروسەدۋرالار وبىر اۋرۋىن تۋدىراتىنىن ايتتى

كەي جاعدايلاردا  كوسمەتيكالىق پروسەدۋرالار ادامدا وبىر اۋرۋىن تۋدىرۋى مۇمكىن.

بۇل تۋرالى ونكولوگ ءارى حيميوتەراپيەۆت اندرەي بازىليەۆ ايتتى، دەپ حابارلايدى Almaty-akshamy.kz 

مامان ايەل ادامدار اراسىندا ءجيى كەزدەسەتىن شاشتى تۇزەتۋ پروسەدۋراسىنا نازار اۋدارۋعا شاقىردى. ونىڭ ايتۋىنشا، شاش تۇزەتۋدە قولدانىلاتىن پرەپارات قۇرامىندا فورمالدەگيد قولدانىلادى. ول ءقاۋىپتى كانسەروگەن، سوندىقتان  شاشتى ايىنا سەگىز رەتتەن اسىرىپ تۇزەتكەن دۇرىس ەمەس. ونىڭ وزىندە، بۇل پروسەدۋرا سالون كلينەتتەرى ءۇشىن ەمەس، وسى قىزمەتتى كورسەتەتىن ماماندار ءۇشىن ءقاۋىپ تۋدىرادى. 

كوسمەتولوگيالىق پرەپاراتتاردى تاڭداۋ كەزىندە بازىليەۆ قۇرامىندا ديوكسان بارلارىن تاڭداماۋ كەرەكتىگىن ايتتى. بۇل زات اعزاداعى ءتۇرلى ەندوكريندى بۇزىلىستاردىڭ پايدا بولۋىنا اسەر ەتۋى مۇمكىن، ونىڭ سالدارى وبىر اۋرۋىنا اكەلۋى ىقتيمال. 

ءجيى قولدانعان كەزدە تىرناققا ارنالعان ۋلتراكۇلگىن لامپا  دا اعزاعا ايتارلىقتاي زيانىن تيگىزەدى. مانيكيۋر مەن پەديكيۋرگە اۋەس قىزداردىڭ ونى قولدانعاننان تەرى وبىرىنا ۇشىراۋ ءقاۋپى باسىم. ونىڭ وزىندە، مامان مۇنداي سالدار بولماس ءۇشىن ۋلتراكۇلگىن لامپانى ايىنا 10-15-تەن كوپ قولدانباۋ كەرەك. 

سونىمەن قاتار، ونكولوگ سوڭعى دەرەكتەر بويىنشا، بۇعان دەيىن ونكولوگيا تۋدىرۋى مۇمكىن دەپ ساناعان بوتولۋتوكسين ۋكولدارى (ەگۋ) جانە شاشتى بوياۋدا مۇنداي ءقاۋپى جوق ەكەنىن ايتتى.