جەڭىلدەتىلگەن تۇرعىن ءۇي نەسيەسىن بەرۋ ءۇشىن ءوتىنىش پەن قۇجات قابىلدانادى.
بيىل «الماتى جاستارى» باعدارلاماسى اياسىندا 1000 پاتەر قولدانىسقا بەرىلەدى. بۇعان 18 ملرد تەڭگە قارالعان. بۇل تۋرالى بريفينگ بارىسىندا قالالىق تۇرعىن ءۇي ساياساتى باسقارماسى باسشىسىنىڭ ورىنباسارى ەرمەك ءامىروۆ ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ونىڭ ايتۋىنشا، الماتى قالاسىنىڭ 35 جاسقا دەيىنگى جاستارىن تۇرعىن ۇيمەن قامتاماسىز ەتۋ ماقساتىندا 18 مامىر مەن 1 ماۋسىم ارالىعىندا ارنايى قۇرىلعان «الماتى جاستارى» سايتىندا جەڭىلدەتىلگەن تۇرعىن ءۇي نەسيەسىن بەرۋ ءۇشىن ءوتىنىش پەن قۇجات قابىلدانادى.
سايتتا وتىنىشتەر مەن قۇجاتتاردى بەرۋ ەلەكتروندىق-سيفرلىق قولتاڭبا ارقىلى جۇزەگە اسىرىلادى.
ۇپايلاردى اۆتوماتتى تۇردە ەسەپتەۋ ءۇشىن ەلەكتروندى كالكۋلياتور ەنگىزىلگەن. سونىمەن قاتار سايتتاعى جەكە كابينەت ارقىلى بەرىلگەن وتىنىشتەردىڭ مارتەبەسىن ءوز بەتىنشە قاراۋ مۇمكىندىگى بار.
«1 ماۋسىم ساعات 23:59-دا ءوتىنىش قابىلداۋ تولىق اياقتالادى جانە 2 ماۋىسىمنان باستاپ بۇكىل وتىنىشتەر جۇكتەلەدى. بۇدان ءارى 20 جۇمىس كۇنى ىشىندە كەلىپ تۇسكەن وتىنىشتەردىڭ باعدارلاما تالاپتارىنا سايكەستىگى تەكسەرىلىپ، ءار ساناتتا جينالعان بالل سانىمەن ءتىزىم قۇرالادى»،-دەدى ەرمەك ءامىروۆ.
اتالعان باعدارلامانىڭ بيۋدجەتى 18 ملرد تەڭگە. بەرىلەتىن قارىزدىڭ ەڭ جوعارعى شەگى - 18 ملن تەڭگەگە دەيىن، پايىزدىق مولشەرى 5%، باستاپقى جارناسى - 10 پايىز.
بۇل باعدارلامامەن باستاپقى جانە قايتالاما تۇرعىن ءۇيدى ساتىپ الۋعا بولادى. بيىل اتالعان باعدارلامامەن 1000 ادامدى قامتۋ جوسپارلانعان.
ەستەرىڭىزگە سالا كەتەيىك، ەڭ تومەنگى پايىزبەن بەرىلەتىن «الماتى جاستارى 3.0» باعدارلاماسى 2020 جىلى باستالعان.
ءوتىنىش بەرە الاتىن ازاماتتار ساناتىنا الماتىداعى مەملەكەتتىك قالالىق جانە رەسپۋبليكالىق مەكەمەدە ەڭبەك ەتەتىندەر، دارىگەرلەر مەن مەيىربيكەلەر، پەداگوگتار مەن تاربيەشىلەر، ارتىستەر، جازۋشىلار، مادەنيەت سالاسىنىڭ ماماندارى، جاتتىقتىرۋشىلار مەن سپورتشىلار، جوو وقىتۋشىلار مەن عىلىمي قىزمەتكەرلەر، الەۋمەتتىك سالا ماماندارى: جۋرناليستەر مەن ب ا ق قىزمەتكەرلەرى (مەملەكەتتىك جانە كوممەرسيالىق)، وندىرىستىك سالادا ەڭبەك ەتەتىندەر كىرەدى.