ءقازىر ءوڭىر قويمالارىندا 38 مىڭ تونناعا جۋىق پياز ساقتاۋلى.
قازاقستان وڭىرلەرىندە تۇراقتاندىرۋ قورلارىنان ساۋدا نىساندارىنا پياز جەتكىزىلە باستادى. بۇل تۋرالى ساۋدا جانە ينتەگراسيا مينيسترلىگىنەن مالىمدەدى دەپ حابارلايدى اlmaty-akshamy.kz
ق ر سيم ساۋدا كوميتەتى ءتوراعاسىنىڭ مىندەتىن اتقارۋشى ايدار ابىلدابەكوۆ جامبىل وبلىسى اكىمدىگىنىڭ وكىلدەرىمەن بىرگە شارۋا قوجالىقتارىنىڭ قويمالارىندا پيازدىڭ بار-جوعىن جانە جاي-كۇيىن تەكسەردى. انىقتالعانداي، ءقازىر ءوڭىر قويمالارىندا 38 مىڭ تونناعا جۋىق پياز ساقتاۋلى.
جامبىل وبلىسى اكىمدىگىنىڭ كاسىپكەرلىك جانە يندۋستريالدى-يننوۆاسيالىق دامۋ باسقارماسىنىڭ باسشىسى اسپانديار سەيسەبايەۆتىڭ ايتۋىنشا، وبلىستا پياز كۇزدە ساتىپ الىنعان. بۇگىندە بۇل كوكونىس 40-قا جۋىق ساۋدا ورىندارىنا كەلىسى ءۇشىن 115 تەڭگەدەن جەتكىزىلىپ جاتىر. ال دۇكەندەر 128 تەڭگەدەن ساتۋدا. ا.سەيسەبايەۆ پياز قورى باسقا وڭىرلەرگە جەتكىزۋ ءۇشىن دە جەتكىلىكتى ەكەنىن اتاپ ءوتتى.