ەلىمىزدىڭ ءۇش وڭىرىندە تۋۋ كورسەتكىشى جوعارى

تۋۋدىڭ ەڭ جوعارى دەڭگەيى ماڭعىستاۋ وبلىسىنا تيەسىلى.

2022 جىلعى قاڭتار-جەلتوقساندا ەلىمىزدىڭ ءۇش وڭىرىندە تۋۋ كورسكەتكىشى جوعارى بولدى. بۇل تۋرالى ۇلتتىق ستاتيستيكا بيۋروسىنان ءمالىم ەتتى، دەپ حابارلايدى اlmaty-akshamy.kz

2023 جىلعى 1 قاڭتارداعى جاعداي بويىنشا، حالىق سانى 19 765 004 ادامدى قۇرادى، ونىڭ ىشىندە قالا تۇرعىندارى – 12 208 259، اۋىل تۇرعىندارى – 7 556 745 ادام.

وتكەن ءبىر جىلدا قازاقستاندا 403،5 مىڭ ءسابي (450،7 مىڭ ادام – 2021 ج.) دۇنيەگە كەلدى، ونىڭ ىشىندە 208 مىڭى – ۇل، 195،5 مىڭى – قىز. تۋۋ كوەففيسيەنتى 1000 ادامعا 20،28 قۇرادى. اتالعان كەزەڭدە قايتىس بولعاندار سانى 134،7 مىڭ ادامدى قۇرادى، بۇل رەتتە 1000 ادامعا شاققانداعى ءولىم-جىتىم كوەففيسيەنتى – 6،77. وسىلايشا، حالىقتىڭ تابيعي ءوسىمى 2022 جىلدىڭ 12 ايىندا 268،8 مىڭ ادامدى قۇرادى (2020 جىلى – 263 مىڭ، 2021 جىلى – 267 مىڭ).

تۋۋدىڭ ەڭ جوعارى دەڭگەيى ماڭعىستاۋ (1000 تۇرعىنعا 27،75 ادام)، تۇركىستان وبلىستارىندا (1000 تۇرعىنعا 27،23 ادام) جانە شىمكەنت قالاسىندا (1000 تۇرعىنعا 26،34 ادام) بايقالدى.

ءولىم-جىتىمنىڭ ەڭ جوعارى دەڭگەيى – سولتۇستىك قازاقستان (1000 تۇرعىنعا 11،84)، شىعىس قازاقستان (1000 تۇرعىنعا 11،71) جانە قوستاناي وبلىستارىندا (1000 تۇرعىنعا 10،82) بايقالدى، بۇل وسى وڭىرلەر حالقىنىڭ جاس قۇرىلىمىنا بايلانىستى.