جارىسقا ءارتۇرلى ەلدەردەن 900-گە جۋىق سپورتشى قاتىسۋدا.
الماتىدا بالالار، جاسوسپىرىمدەر، ەرەسەكتەر جانە شەبەرلەر اراسىندا AIGA گرەپپلينگتەن Almaty Open 2023 KIDS / ADULTS / MASTERS ءتۋرنيرى اشىلۋ سالتاناتى ءوتتى، دەپ حابارلايدى اlmaty-akshamy.kz
جارىسقا قازاقستاننىڭ، قىرعىزستاننىڭ، تاجىكستاننىڭ جانە رەسەيدىڭ ءار وڭىرىنەن 900-دەن استام سپورتشى، سونداي-اق الماتى وبلىستىق بالالار ءۇيى مەن «جانۇيا» بالالار ءۇيىنىڭ تاربيەلەنۋشىلەرى قاتىستى.
تۋرنيرگە جالپى سانى 900-گە جۋىق قاتىسۋشى تىركەلدى. سونىمەن بىرگە وڭىرلەردەن دە قاتىسۋشىلار بار. الماتى وبلىسىنىڭ «جانۇيا» بالالار ۇيىنەن كەلىپ، قاتىناستى.
«بۇل حالىقارالىق تۋرنير بولىپ سانالادى. مۇنى جىل سايىن وتكىزەمىز. وسىمەن قاتارىنان ءۇشىنشى رەت وتكىزىپ تۇرمىز. بۇعان الىس-جاقىن شەتەل مەن وڭىرلەردەن كەلگەن جاس سپورتشىلار قاتىسۋدا. وسى جولى قىرعىزستان، وزبەكستان، تاجىكستاننان كەلگەن سپورتشىلار بەلسەندىلىك بايقاتۋدا. سپورتشىلار ءۇشىن وسىنداي جارىستاردىڭ ماڭىزى وتە جوعارى دەگىمىز كەلەدى»، - دەدى گرەپلينگ فەدەراسياسى پرەزيدەنتى اقمارال قاناتبايەۆا.
حالىقارالىق تۋرنيرگە دايىندىق بارىسى، جاتتىعۋ قىزۋ جۇرگەن. بۇل تۋرالى دجيۋ دجيتسۋ ماماندارى پىكىر ءبىلدىردى.
«ءبىز قۇرامامىزبەن وتە تىڭعىلىقتى دايىندالىپ كەلدىك. بەلگىلى ءبىر جارىسقا بارماي تۇرىپ، الدىمەنەن جاتتىعۋعا كوڭىل ءبولۋ كەرەك. ءوزىمىز دە سول ەتاپتان وتتىك. تۇركسىب اۋدانىنداعى جاتتىعۋ زالىندا بارىنشا سپورتشىلاردىڭ دايىندىعىن پىسىقتادىق»، - دەدى جاتتىقتىرۋشى ماكسيم پاي.
ايتا كەتەيىك، تۋرنير 2 كۇنگە سوزىلادى. اياقتالۋ ۋاقىتى - 12 اقپان.
