استانادا قازاقستاندا اتوم ەلەكتر ستانسياسىن (اەس) سالۋدى قولداۋ ماقساتىندا حالىقتىق شتاب قۇرىلدى. شتاب قۇرامىنا 6 ساياسي پارتيا مەن 20-عا جۋىق رەسپۋبليكالىق قوعامدىق بىرلەستىكتىڭ 250-دەن استام وكىلى كىرەدى. ايماقتاردا دا وسىنداي قۇرىلىمدار جاساقتالىپ جاتىر. وسى باستامانى قولداۋدا قازاقستان حالىق پارتياسى (قحپ) بەلسەندىلىك تانىتىپ وتىر.
حالىقتىق رەفەرەندۋمدا ءاربىر قازاقستاندىقتىڭ داۋىسى ماڭىزدى. شتابتىڭ نەگىزگى ماقساتى — حالىق اراسىندا اۋقىمدى ءتۇسىندىرۋ جۇمىستارىن جۇرگىزىپ، وتاندىق اتوم ەنەرگەتيكاسىن قولداۋعا قوعامدى جۇمىلدىرۋ. بۇل ىسكە پارلامەنت پەن ءماسليحات دەپۋتاتتارى، زيالى قاۋىم وكىلدەرى، عالىمدار، مادەنيەت جانە سپورت قايراتكەرلەرى، قوعام بەلسەندىلەرى دە اتسالىسۋدا. پاۆلودار وبلىسىندا دا ايماقتىق شتاب قۇرىلدى، وعان قحپ وبلىستىق فيليالىنىڭ ءتوراعاسى، ءماسليحات دەپۋتاتى يليا مۋحورتوۆ ەندى. شتاب مۇشەلەرى مەملەكەتتىڭ تۇراقتى دامۋى رەفەرەندۋمدا قابىلداناتىن شەشىمگە بايلانىستى دەپ سانايدى.
شتاب مۇشەلەرى رەفەرەندۋمدى قولداۋعا باعىتتالعان ءتۇسىندىرۋ جۇمىستارىن قاراپايىم تىلدە جۇرگىزۋدى باستى مىندەت ەتىپ قويىپ وتىر. تۇركىستان وبلىسىندا شتابقا قحپ جەرگىلىكتى فيليالى باسشىلارى زۋحرا قامباروۆا مەن ىسقاق احمەتوۆ كىردى. سولتۇستىك قازاقستان وبلىسىندا قحپ فيليالىنىڭ وكىلدەرى ەرعالي جۇماعۇلوۆ پەن بولات قوجاحمەتوۆ جانە كەڭەس مۇشەلەرى شتابتىڭ قۇرامىن تولىقتىردى.
باتىس قازاقستان وبلىسىندا قحپ فيليالىنىڭ باسشىسى بوريس لاۆرەنتيەۆ، قاراعاندى وبلىسىندا قحپ فيليالىنىڭ باسشىسى قالەل ماقسۇتوۆ پەن ءماسليحات دەپۋتاتى اناتوليي بارانوۆ شتاب قۇرامىنا قوسىلدى. سونىمەن قاتار، ۇلىتاۋ وڭىرىندە قحپ فيليالى ءتوراعاسىنىڭ ورىنباسارى باقىتبەك تورەجانوۆ، بالقاش قالالىق وكىلدىگىنىڭ ءتوراعاسى قانىش ىسقاقوۆ تا شتابتىڭ مۇشەسى بولدى.
قحپ اقمولا وبلىستىق فيليالىنىڭ باسشىسى ارمان تاستامبەكوۆ، اتىراۋ وبلىسىندا فيليال ءتوراعاسىنىڭ ورىنباسارى ءاليا مۇرزاعالييەۆا، ال اقتاۋ قالاسىندا باۋىرجان قۇرمانعازين مەن مارات نۇركەيەۆ شتابقا قوسىلىپ، ماڭعىستاۋ ايماعىندا بۇل مىندەت ءرانيدا بالجانوۆاعا جۇكتەلدى.
شتابتىڭ نەگىزگى مىندەتى — اقپاراتتىق-ناسيحات جۇمىستارىن جۇرگىزۋ. اەس قۇرىلىسىنا قاتىستى وتەتىن رەفەرەندۋمعا ءبىر اي عانا ۋاقىت قالدى، سوندىقتان شتاب مۇشەلەرى بەلسەندى جۇمىس ىستەۋدە.