وسكەمەن قالاسىنىڭ سوتى الاياقتىق جاساعانى ءۇشىن باس بوستاندىعىنان ايىرۋ ورىندارىندا جازاسىن وتەپ جاتقان ا. ءابدىراحمانوۆقا قاتىستى ۇكىم شىعاردى. ول ۇيالى تەلەفونعا قول جەتكىزە وتىرىپ، وبلىس اكىمىنىڭ ورىنباسارى رەتىندە ءوزىن تانىستىرىپ، سۋ تاسقىنىنىڭ سالدارىن جويۋعا كومەك كورسەتۋ ماقساتىندا ءوڭىردىڭ ءىرى كاسىپكەرلەرىنىڭ اتىنا قوڭىراۋ شالعان.
سوتتالۋشى بيزنەس سۋبەكتىسىنە ودان ءارى جەڭىلدىكتەر مەن پرەفەرەنسيالار بەرۋ سىلتاۋىمەن كاسىپكەردىڭ 50 ملن تەڭگە سوماسىنداعى اقشالاي قاراجاتىن يەمدەنگەنى ءۇشىن كىنالى دەپ تانىلدى.
سوت ۇكىمىمەن بۇرىن شىعارىلعان جازانى قوسۋ ارقىلى وعان 8 جىل باس بوستاندىعىنان ايىرۋ جازاسى تاعايىندالدى.
ۇكىم زاڭدى كۇشىنە ەنگەن جوق. سونىمەن قاتار، كونستيتۋسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق-پروسەستىك كودەكستىڭ 19-بابى 1-بولىگىنە سايكەس، قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ءاربىر ادام كىناسىز دەپ ەسەپتەلەدى.
ءتۇرلى اپاتتاردان زارداپ شەككەندەرگە كومەك كورسەتۋگە بايلانىستى الاياقتىق جاعدايلارىنىڭ جيىلەۋىنە بايلانىستى سىبايلاس جەمقورلىققا قارسى قىزمەت ازاماتتاردى قىراعىلىققا جانە تەك رەسمي دەرەككوزدەرگە سەنۋگە شاقىرادى.