الماتى قالاسى الاتاۋ اۋدانى №178 مامانداندىرىلعان ليسەيدە «بولاشاققا ەڭبەكقور، ءبىلىمدى، ونەرلى جانە دەنى ساۋ ۇرپاق» اتتى ونكۇندىك ءوتتى.
ونكۇندىكتىڭ اشىلۋىندا ليسەي ديرەكتورى قايراتبەك شادييەۆ ءسوز الىپ، ۇستازدارعا ريزاشىلىعىن ءبىلدىرىپ، ساتتىلىك تىلەدى.
ونكۇندىك بارىسىندا ەستەتيكالىق پاندەر، دەنە شىنىقتىرۋ، ءاا جانە تەحنولوگيالىق دايىندىق كافەدراسىنىڭ ءپان مۇعالىمدەرى جاڭارتىلعان ءبىلىم مازمۇنى بويىنشا اشىق ساباقتار مەن سىنىپتان تىس ءىس-شارالار وتكىزدى. دەنە شىنىقتىرۋ ءپانىنىڭ مۇعالىمدەرى، م.ك.وتەشوۆا، ن.ت.مولداحمەت، ە.م.اناپيايەۆ، ر.قىپشاق، ن.ە.تولبايەۆا، ا.ە.جانپەيىسوۆالاردىڭ مۇرىندىق بولۋىمەن 8-11 سىنىپتار (ۇلدار، قىزدار) اراسىندا فۋتبولدان، ۆولەيبولدان جارىستار ءوتتى.
سونىمەن قاتار، 9-11 سىنىپتىڭ وقۋشىلارى سپورتتىڭ 4 تۇرىنەن ب ا ق سىناستى. اتاپ ايتقاندا، «گاۋھار تاس ليگاسى» اياسىندا جەڭىل اتلەتيكادان ءبىر ورىننان ۇزىندىققا سەكىرۋ، 100 مەترگە جۇگىرۋ، كروسس 1000 م قىزدار، 2000م ۇلدار جانە ەستافەتالىق تاياقشامەن جۇگىرۋ. سايىس سوڭىندا I، II، III ورىن العان جەڭىمپازدار ماراپاتتالدى. سونىمەن قاتار تەحنولوگيا ءپانى مۇعالىمدەرى م.ا.ءابىقانوۆا مەن ا.ن. قادىروۆ وقۋشىلاردى قولونەرگە باۋلىپ، بالالاردىڭ جاساعان بىرەگەي تۋىندىلارى كورمەگە قويىلدى.
ونكۇندىك اياسىندا كافەدرا مۇعالىمدەرى 7 سىنىپ ۇلدارى اراسىندا «جىگىتكە جەتى ونەردە از» اتتى سايىس وتكىزدى.
«وقۋشىلار اراسىندا مۇنداي شارالاردى ءجيى وتكىزۋدىڭ تاربيەلىك ءمانى زور. بايقاۋ وقۋشىلاردى جىگەرلىلىك پەن ۇستامدىلىققا، باتىلدىق پەن شىمىرلىققا تاربيەلەيدى»،-دەيدى №178 مامانداندىرىلعان ليسەي ديرەكتورىنىڭ تاربيە ءىسى جونىندەگى ورىنباسارى بەرىك ءنابي ۇلى.
قورىتىندى كەزەڭدە قازىلار القاسى جۇلدەلى ورىنعا يە بولعانداردى ماراپاتتاپ، سىيلىقتار تاپسىردى.
بايقاۋ سوڭىندا كافەدرا مۇعالىمدەرى مەن وقۋشىلار «اتامەكەن» ءانىن حورمەن ورىندادى.