استانا قالاسىندا 1-2-قاراشا كۇندەرى تۇڭعىش رەت ءى حالىقارالىق قۇران جارىسى وتەدى
رەسپۋبليكالىق باس مەشىتتە ءى حالىقارالىق قۇران جارىسىنىڭ جەرەبە تارتۋ ءراسىمى ءوتتى. جەرەبە تارتۋ راسىمىنە نايب ءمۇفتي ەرشات اعىباي ۇلى قاتىسىپ، قاريلارعا ساتتىلىك تىلەدى. سونداي-اق جارىستىڭ ەرەجەسى مەن شارتتارىن قوسىمشا ەسكەرتىپ ءوتتى.
ەلىمىزدە تۇڭعىش رەت ۇلتتىق مەرەكەمىز – رەسپۋبليكا كۇنىنە وراي قازاقستان مۇسىلماندارى ءدىني باسقارماسىنىڭ ۇيىمداستىرۋىمەن وتەتىن قۇران جارىسىنا 18-30 جاس ارالىعىنداعى 26 ەلدىڭ قاريلارى، سونداي-اق قازاقستان اتىنان ەكى جاس قاري قاتىسپاق.
ايتا كەتەيىك، ەكى كۇنگە سوزىلاتىن قۇران جارىسى ءمۇفتياتتىڭ ءتول «Munara TV» تەلەارناسىنان، «مۋفتيات قمدب» YouTube ارناسىنان، ءدىني باسقارمانىڭ رەسمي الەۋمەتتىك جەلىلەرىندەگى پاراقشالارىنان تىكەلەي ەفير ارقىلى كورسەتىلەدى.