«تازا قازاقستان» رەسپۋبليكالىق اكسياسى جانە «الماتى – ءبىزدىڭ ورتاق ءۇيىمىز» قالالىق ناۋقانى اياسىندا جۇمىسپەن قامتۋ جانە الەۋمەتتىك باعدارلامالار باسقارماسى «ونەگەلى ۇرپاق» ناۋقانىن وتكىزدى.
مەگاپوليستە بىرنەشە كۇن قاتارىنان ءوتىپ جاتقان اكسيانىڭ ماقساتى – قالانىڭ جەكە سەكتورىندا تۇراتىن جالعىزباستى زەينەتكەرلەر مەن ەرەكشە قاجەتتىلىكتەرى بار قارت ادامداردىڭ اۋلا اۋماقتارىن تازالاۋعا جانە كوركەيتۋگە كومەك كورسەتۋ، دەپ حابارلايدى Almaty-akshamy.kz
بۇگىن، ۆولەنتەرلار مەن قوعام بەلسەندىلەرى المالى اۋدانىندا تۇراتىن زەينەتكەر اليەۆتينا سويعا كومەكتەستى. ولار اۋلا ىشىندەگى قوقىستاردى تازالاپ، كوشە سىپىرىپ، ءوسىپ كەتكەن شوپتەردى شاۋىپ، گۇلدەردىڭ ءتۇبىن قوپسىتتى.
«بەلسەندىلەر ارداگەرلەرىمىزدىڭ اۋلالارىن تازالاپ، قوقىستاردى شىعارىپ، قارتتارىمىزعا جايلى جاعداي جاساۋعا تىرىستى. ءبىز وسىنداي ازعانتاي عانا جۇمىسىمىز ارقىلى ولاردىڭ كوڭىلىن كوتەردىك دەگەن ۇمىتتەمىز»، – دەپ ءبولىستى الماتى قالاسى ەرىكتىلەر ءفرونت-وفيسىنىڭ باسشىسى باعدات اناربايەۆا.
ناۋقان بارىسىندا ارداگەرلەر، جالعىزباستى زەينەتكەرلەر، حالىقتىڭ الەۋمەتتىك وسال توپتارى تۇراتىن 115 ءۇيدىڭ اۋلالارىن جيناۋعا 876 ۆولونتەرلار مەن بەلسەندىلەر اتسالىستى. جەكە ۇيلەردىڭ اۋلالارى جينالىپ، قورشاۋلارى بويالدى. اۋلا ىشىندەگى اعاشتار بۇتالىپ، تۇپتەرى اعارتىلدى. سونىمەن قاتار گۇل وتىرعىزىلىپ، اۋلا ىشىندەگى وزگە دە جوندەۋ جۇمىستارى جۇرگىزىلدى.
قالانىڭ قاي اۋدانىندا قانشا ەرىكتى جۇمىس ىستەدى؟:
الاتاۋ اۋدانى - 15 ءۇي، 96 ەرىكتى،
تۇركسىب اۋدانى - 13 ءۇي، 98 ۆولونتەر،
المالى اۋدانى - 49 ءۇي، 300 ەرىكتى،
جەتىسۋ اۋدانى - 8 ءۇي، 42 ۆولونتەر،
بوستاندىق اۋدانى - 7 ءۇي، 37 ەرىكتى،
اۋەزوۆ اۋدانى - 10 ءۇي، 150 ەرىكتى،
ناۋرىزباي اۋدانى-13 ءۇي، 153 ەرىكتى جۇمىلدىرىلدى.
«بۇل ناۋقان وسىمەن توقتاپ قالمايدى. ءارى قاراي جالعاسىن تابادى. تاعى 93 ءۇيدىڭ اۋلالارى جينالادى دەپ جوسپارلانعان. مەنىڭ ويىمشا، بۇل ناۋقان جاقىنىڭا كومەكتەسۋ مەن قولداۋدىڭ تاماشا ۇلگىسى. ءبىز جانىمىزداعى قاريالارعا كومەكتەسكەندە، ولار ءۇشىن عانا ەمەس، ءوزىمىز ءۇشىن دە ماڭىزدى نارسە جاسايمىز. جۇرەگىمىزدە جىلۋلىق ۇيا سالادى. مەن بەلسەندى قالا تۇرعىندارى مەن ەرىكتىلەردى ماقتان تۇتامىن. جانە دە ولارعا شىن جۇرەكتەن العىسىمدى بىلدىرگىم كەلەدى»، - دەدى باعدات اناربايەۆا.
ەستەرىڭىزگە سالا كەتەيىك، 8 ءساۋىر مەن 8 مامىر ارالىعىندا الماتىدا «الماتى – ءبىزدىڭ ورتاق ءۇيىمىز» ناۋقانى ءوتىپ جاتىر. ءاربىر تۇرعىن قالانىڭ دامۋى مەن اباتتاندىرىلۋىنا ءوز ۇلەسىن قوسا الادى.
بارلىق اقپارات almaty.kz سايتىندا، الماتى اكىمدىگىنىڭ الەۋمەتتىك جەلىلەرىندە ورنالاسقان. سونداي-اق، ۆەب-سايتقا ارنايى QR-كود ارقىلى قالا بويىنشا ورنالاستىرىلعان باننەرلەردە، پلاكاتتاردا جانە افيشالاردا كىرۋگە بولادى.
ناۋقاننىڭ بەلسەندى قاتىسۋشىلارىنا ارنالعان الەۋمەتتىك جەلىدەگى حەشتەگتەر: #الماتىناشوبششييدوم، #ناسمنوگوگورودودين، #ءالماتىبىزدىڭورتاقۇيىمىز، #بىزكوپپىزقالاجالعىز.