الماتىداعى "تازا قازاقستان" رەسپۋبليكالىق ەكولوگيالىق اكسياسىنىڭ "ونەگەلى ۇرپاق" اپتالىعى اياسىندا ەرىكتىلەر، قوعام قايراتكەرلەرى مەن قالا تۇرعىندارى الماتىلىق زەينەتكەرلەرگە، ۇلى وتان سوعىسى مەن ەڭبەك مايدانى ارداگەرلەرىنىڭ اۋلالارىن جيناۋعا كومەكتەستى. بۇدان وزگە تۇرمىستىق قوقىستى سۇرىپتاۋ، ءقاۋىپتى قالدىقتاردى دۇرىس كادەگە جاراتۋ بويىنشا ەكوجوبالار ىسكە اسىرىلۋدا.
كومەككە ءزارۋ جاننىڭ ءبىرى اۋەزوۆ اۋدانىندا تۇراتىن ەڭبەك مايدانىنىڭ قاتىسۋشىسى الەكساندر زاحاروۆ. قوعامدىق كومەكشىلەر اقساقالدىڭ اۋلاسىنداعى اعاشتاردى كەسىپ، اۋماقتى جيناستىردى.
«ءبىز، قازاقستان حالقى اسسامبلەياسى جاستارىنىڭ وكىلدەرى "الماتى - ءبىزدىڭ ورتاق ءۇيىمىز" ناۋقانىن قولدايمىز. "كورشىڭە كومەكتەس" اكسياسى اياسىندا زەينەتكەرلەردىڭ اۋلا اۋماعىن تازالاپ، اباتتاندىرامىز. ەڭبەك ارداگەرلەرىنە، مۇمكىندىگى شەكتەۋلى جاندارعا كومەكتەسەمىز. اۋداندىق اكىمدىكتەردە بىزگە كومەككە مۇقتاجداردىڭ ءتىزىمى بەرىلدى"، - دەدى الماتى قالاسىنىڭ "جاستار اسسامبلەياسى" رقب وكىلدىگى ءتوراعاسىنىڭ ورىنباسارى يىلماز سافاراۋل.
بولىنگەن ۋچاسكەدە جاستار قورشاۋدى بوياپ، قوقىستى شىعارىپ، ءارامشوپ جۇلىپ، اۋلانى اباتتاندىردى.
«مەن جىگىتتەردىڭ كەلگەنىنە قۋانىپ قالدىم. كوپ كومەكتەرى ءتيدى. كۇنى بويى اۋلادا جۇمىس ىستەپ، ەسكى اعاشتاردى كەسىپ، ءبارىن رەتكە كەلتىردى. شىن جۇرەكتەن العىس ايتامىن، ناعىز تيمۋرلىقتار، كوپ راحمەت! قۇداي دەندەرىنە ساۋلىق بەرسىن!"،- دەدى زەينەتكەر، I توپتاعى مۇگەدەك الەكساندر زاحاروۆ.
ەكواكسيا باستالعالى بەرى جاستار اسسامبلەياسىنىڭ مۇشەلەرى وزگە دە جاستار ۇيىمدارىمەن بىرلەسىپ، 300-گە جۋىق ءۇيدى ارالاپ شىقتى.
«بۇگىندە بۇل ۇيگە ءبىزدىڭ التى وكىلىمىز باردى. مۇنداي ءىس-شارالار وسكەلەڭ ۇرپاقتى ەڭبەكقورلىق رۋحىندا تاربيەلەپ وتىر، - دەپ اتاپ ءوتتى ەڭبەك ۇتقىرلىعى جۇمىسپەن قامتۋ ورتالىعىنىڭ مامانى جالعاس قالي.
ەستەرىڭىزگە سالا كەتەيىك، 8 ءساۋىر مەن 8 مامىر ارالىعىندا الماتىدا "الماتى – ءبىزدىڭ ورتاق ءۇيىمىز" ناۋقانى ءوتىپ جاتىر. ءاربىر تۇرعىن قالانىڭ دامۋى مەن اباتتاندىرىلۋىنا ءوز ۇلەسىن قوسا الادى.
«الماتى – ءبىزدىڭ ورتاق ءۇيىمىز» ناۋقانى تۋرالى بارلىق اقپارات اlmaty.kz سايتىندا، الماتى اكىمدىگىنىڭ الەۋمەتتىك جەلىلەرىندە ورنالاستىرىلعان. سونداي-اق، ۆەب-سايتقا قالا بويىنشا باننەرلەردە، پلاكاتتاردا ارنايى ورنالاستىرىلعان QR-كود ارقىلى دا كىرۋگە بولادى.
الەۋمەتتىك مەديا ناۋقانىنىڭ بەلسەندى قاتىسۋشىلارىنا ارنالعان حەشتەگتەر:
#الماتىناشوبششييدوم، #ناسمنوگوگورودودين، #ءالماتىبىزدىڭورتاقۇيىمىز، #بىزكوپپىزقالاجالعىز.