ەڭبەك جانە حالىقتى الەۋمەتتىك قورعاۋ مينيسترلىگى ەڭبەك، الەۋمەتتىك قورعاۋ جانە كوشى-قون كوميتەتىنىڭ دەرەكتەرى بويىنشا، اعىمداعى جىلدىڭ سەگىز ايىندا وندىرىستەگى جازاتايىم وقيعالاردىڭ ناتيجەسىندە 1197 قىزمەتكەر زارداپ شەگىپ، ونىڭ 163ء-ى قايتىس بولعان دەپ حابارلايدى almaty-akshamy.kz
وسىلايشا، وندىرىستىك جاراقاتتانۋ دەڭگەيى 2020 جىلدىڭ ۇقساس كەزەڭىمەن سالىستىرعاندا 2،4%-عا ءوستى (وتكەن جىلدىڭ 10 ايىندا 1169 ادام زارداپ شەكتى). بۇل رەتتە وندىرىستىك جاراقاتتانۋدان قايتىس بولۋ جاعدايلارى 3،6% - عا تومەندەدى (2020 جىلى وسى كەزەڭدە وندىرىستە 169 ادام قايتىس بولدى).
وندىرىستىك جاراقاتتانۋدىڭ جوعارى دەڭگەيى بۇرىنعىداي قاراعاندى (211 ادام زارداپ شەكتى)، شىعىس قازاقستان (153 ادام)، اقتوبە (97 ادام)، پاۆلودار (96 ادام)، قوستاناي (91 ادام) وبلىستارىندا ساقتالۋدا.
ەكونوميكا سالالارى بويىنشا زارداپ شەككەندەردىڭ ەڭ كوپ سانى تاۋ-كەن-مەتاللۋرگيا كەشەنىنىڭ كاسىپورىندارىندا – 203 ادام (19،1%) جانە قۇرىلىس سالاسىندا – 120 ادام (11،3%) بايقالادى.