بۇگىن قازاقستان رەسپۋبليكاسىنىڭ پرەزيدەنتتىگىنە كانديدات جيگۋلي دايرابايەۆ ماڭعىستاۋ وبلىسىنا كەلدى. ەڭ الدىمەن كانديدات مۇنايلى اۋدانىندا ورنالاسقان «ساۋقىمبەك» ۇن تارتۋ زاۋىتىنىڭ ۇجىمىمەن كەزدەستى. بىرنەشە جىل بۇرىن ىسكە قوسىلعان ءوندىرىس وشاعى جوعارى سۇرىپتى ۇن ءوندىرىپ، 70-كە جۋىق ادامدى تۇراقتى جۇمىسپەن قامتاماسىز ەتىپ وتىر.
زاۋىت الداعى ۋاقىتتا دايىن ءونىمدى ەكسپورتتاۋعا نيەتتى. الايدا، كەي كەزدە كاسىپورىنعا بيداي جەتكىزكۋدە قيىندىقتار تۋىندايدى، ۆاگوندار تاپشىلىعى بايقالادى.
«مەنىڭ ءاردايىم ايتاتىنىم، ادال ەڭبەك ەتىپ، حالىقتى ساپالى ءارى قولجەتىمدى ازىق-تۇلىكپەن قاماتاماسىز ەتەتىن ازاماتتارىمىزعا قولداۋ كورسەتۋىمىز قاجەت. قازاقستاندا تاۋارلار قورىن قۇرۋ ستراتەگياسىندا ازىق-تۇلىك نارىعىن دامىتۋ جانە ءقاۋىپ¬سىزدىگىن ساقتاۋ بارىنەن بۇرىن يم¬پورتقا تاۋەلدى ەمەس، وتاندىق ءوندىرىس ەسەبىنەن جۇزەگە اسۋى كەرەك»، – دەيدى جيگۋلي دايرابايەۆ.
ۇن تارتۋ زاۋىتىنان كەيىن كانديدات مال بورداقىلاۋ كەشەنىنە باردى. قازىرگى ۋاقىتتا ەلىمىزدە مال شارۋاشىلىعىن دامىتۋعا ەرەكشە كوڭىل ءبولىنىپ وتىر. وسى باعىتتا جۇمىس ىستەيتىن بۇل كەشەن اقتاۋ قالاسىنىڭ تۇرعىندارىن ساپالى ەتپەن قامتاماسىز ەتۋدە. الايدا مۇندا سۋ ماسەلەسى ءالى شەشىلمەي وتىر، زاۋىت سۋدى ساتىپ الۋعا ءماجبۇر.
«Cۋ ماسەلەسى بۇگىندە الەمنىڭ كوپتەگەن ەلدەرىن تولعاندىرىپ وتىرعانى بەلگىلى. مامانداردىڭ بولجامى بويىنشا، سۋ مەملەكەتارالىق، ەلارالىق ماڭىزدى ماسەلە رەتىندە الداعى ۋاقىتتا دا ءوزىنىڭ وزەكتىلىگىن جويمايدى. ويتكەنى سۋ – تىرشىلىك كوزى. سوندىقتان بۇل ماسەلەنى مەملەكەتتىك دەڭگەيدە شەشۋدى قولعا العاندا عانا ناتيجەلى جۇمىس ءجۇرىپ، ءوڭىردى سۋمەن قامتي الامىز»، – دەگەن پىكىردە كانديدات.
سونىمەن قاتار جيگۋلي دايرابايەۆ مۇنايلى اۋىلىنىڭ تۇرعىندارىمەن كەزدەستى. كەزدەسۋ بارىسىندا جەم-شوپ دايىنداۋ ماسەلەسىنە ەرەكشە نازار اۋدارىلدى. وتكەن جىلمەن سالىستىرعاندا، بيىل بۇل باعىت وڭ ناتيجە بەرىپ وتىر دەيدى شارۋا يەلەرى. وسى رەتتە كانديدات، تۇيتكىلدى ماسەلەلەردىڭ الدىن الۋ ءۇشىن تامشىلاتىپ سۋارۋ ءادىسىن دامىتۋ قاجەت دەيدى. اۋىل شارۋاشىلىعى سالاسىندا زاماناۋي تەحنولوگيالار مەن جابدىقتاردى قولدانۋ ءوندىرىس ونىمدىلىگىن ارتتىرماق.