2022 جىلدىڭ 14 قاراشاسىندا ق ر پرەزيدەنتتىگىنە جالپىۇلتتىق سوسيال-دەموكراتيالىق پارتياسى اتىنان كانديدات نۇرلان اۋەسبايەۆ ماڭعىستاۋ وبلىسىنا ساپارمەن كەلىپ، جاناوزەن قالاسىنداعى «ءبىلىم-يننوۆاسيا» ليسەيى عيماراتىندا سايلاۋشىلارمەن كەزدەسۋ وتكىزدى.
ءىس-شارا بارىسىندا كانديدات جينالعان قاۋىمعا ءوزىنىڭ سايلاۋالدى باعدارلاماسىنىڭ باسىم باعىتتارى جونىندە بايانداپ بەردى.
نۇرلان اۋەسبايەۆتىڭ پىكىرىنشە، مۇناي-گاز سالاسى ەل بيۋدجەتىنىڭ باسىم بولىگىن قۇرايدى. دەگەنمەن اتالمىش ءوڭىر ينفراقۇرىلىم جاعىنان ارتتا قالعان ايماقتاردىڭ ءبىرى بولىپ سانالادى. مۇنىڭ ءبارى تەڭگەرىمسىز وڭىرلىك ساياساتتىڭ سالدارى. جسدپ-دان كانديدات بارلىق دەڭگەيلى، ونىڭ ىشىندە وبلىستىق اكىمدەردى سايلاۋدى ەنگىزۋ ارقىلى بۇل تىعىرىقتان شىعۋعا بولادى دەپ ەسەپتەيدى.
رەفورمالاردىڭ ءبىرى رەتىندە بيۋدجەتتىك پروسەدۋرالاردى جەتىلدىرۋ ۇسىنىلادى. ءار ەلدى مەكەندە وزىنە تيەسىلى اشىق بيۋدجەت جاساقتالىپ، ناقتى ۋاقىت رەجيمىندە ونلاين تۇردە مەملەكەت اقشاسىنىڭ قالاي جانە قايدا جۇمسالىپ جاتقاندىعى اشىق كورسەتىلىپ وتىرىلۋى ءتيىس.
بۇدان بولەك نۇرلان اۋەسبايەۆتىڭ سايلاۋالدى باعدارلاماسىندا قازاقستاندىقتاردىڭ ءومىر ساپاسىنىڭ ستاندارتىن ەنگىزۋ ۇسىنىلادى. ستاندارتتا ازاماتتارىمىزدىڭ ساپالى تاماقتانۋىنان باستاپ، دەمالىسىنا دەيىنگى بارلىق قاجەتتىلىكتەرى قاراستىرىلۋى قاجەت.