جۇڭگو قازاقستاندىقتارعا كىرۋ تالابىن جەڭىلدەتتى

48 ساعات ىشىندە ءبىر پتر-تەست تاپسىرۋ جەتكىلىكتى.

قازاقستانداعى جۇڭگو ەلشىلىگى مەن باس كونسۋلدىعى ەلگە كەلۋشىلەر ءۇشىن HS دەنساۋلىق كودىن الۋعا قويىلاتىن تالاپتاردى جاڭارتتى، - دەپ حابارلايدى Almaty-akshamy.kz Kaz.tengritravel.kz سايتىنا سىلتەمە جاساپ.

ەندى قازاقستاننان قىتايعا تىكەلەي رەيسپەن بارا جاتقان جولاۋشىلارعا ۇشۋعا دەيىن 48 ساعات ىشىندە قازاقستان رەسپۋبليكاسىنىڭ اۋماعىندا رەسمي تىركەلگەن زەرتحانادا ءبىر پتر-تەست تاپسىرۋ جەتكىلىكتى. ۋاقىت بيوماتەريال الىنعان ساتتەن باستالادى.

پتر تەستىنىڭ ناتيجەسى دەنساۋلىق كودىن الۋعا وتىنىمگە قالعان قۇجاتتارمەن (پاسپورتتىڭ باستى بەتى جانە باعىتى كورسەتىلگەن اۆيابيلەتتەر) قوسا تىركەلۋى قاجەت. كەيىن قازاقستانداعى جۇڭگو ەلشىلىگى نەمەسە باس كونسۋلدىعى «دەنساۋلىقتىڭ جاسىل كودىن» ۋاقتىلى بەرەدى، ونى رەيسكە تىركەلۋ كەزىندە كورسەتۋ قاجەت. «جاسىل دەنساۋلىق كودىن» باسىپ شىعارۋدىڭ قاجەتى جوق، ءموبيلدى قوسىمشا ارقىلى كورسەتۋ جەتكىلىكتى (الدىن الا تۇسىرىلگەن سكرينشوت قابىلدانبايدى).

قازاقستاننان ۇشاتىن جانە ءۇشىنشى ەل ارقىلى ترانزيتپەن جۇرەتىن جولاۋشىلار نەمەسە ءۇشىنشى ەلدەن ۇشاتىن جانە قازاقستان ارقىلى قىتايعا ترانزيتپەن جۇرەتىن جولاۋشىلار پتر-تەست تاپسىرىپ، ترانزيت نەمەسە جونەلتۋ پۋنكتتەرىنىڭ كەز كەلگەنىندە جولاۋشىلاردىڭ ساپار مارشرۋتىنا سايكەس «جاسىل كودتى» الۋعا ءوتىنىم بەرە الادى. جولاۋشىلار «دەنساۋلىق كودى» ءالى دە جارامدى ەكەنىنە كوز جەتكىزۋى كەرەك، تەك ۇشاققا سوڭعى ترانزيتتىك پۋنكتكە قونعان كەزدە (قىتايعا ۇشقاندا). قوسىمشا اقپارات سايتتا قولجەتىمدى.

تاياۋدا قازاقستاندىقتارعا بەيجىڭگە تىكەلەي رەيستەر قولجەتىمدى بولادى. 22 قاراشادان باستاپ Air Astana الماتىدان جۇڭگو استاناسى بەيجىڭگە اپتاسىنا ءبىر رەت، سەيسەنبىدە Airbus A321 LR اۋەلاينەرىمەن تۇراقتى اۋە قاتىناسىن ىسكە قوسىلدى.