وڭدەۋ ونەركاسىبى وركەندەي مە؟

ق ر پرەمەر-مينيسترى ءاليحان سمايىلوۆتىڭ توراعالىعىمەن وتكەن ۇكىمەت وتىرىسىندا ەلىمىزدىڭ وڭدەۋ ونەركاسىبىن ودان ءارى دامىتۋ  شارالارى قارالدى.

8 ايدىڭ قورىتىندىسى بويىنشا اقمولا وبلىسىندا وڭدەۋ ونەركاسىبىنە تارتىلعان ينۆەستيسيا كولەمى 70%-عا، اقتوبە جانە ۇلىتاۋ وبلىستارىندا ءوندىرىس كولەمىنىڭ 18%-عا تومەندەگەن. ءوڭىر اكىمدەرى مارات احمەتجانوۆ، اسحات شاحاروۆ جانە بەرىك ءابدىعالي ۇلى ماسەلەگە قاتىستى تۇسىنىكتەمە بەردى، دەپ حابارلايدى اlmaty-akshamy.kz. 

بايانداماشىلاردى تىڭداعان ءاليحان سمايىلوۆ مەملەكەت باسشىسى جولداۋىندا ەلىمىزدىڭ مىقتى ونەركاسىپتىك نەگىزىن قالىپتاستىرۋدى ەڭ باستى مىندەت رەتىندە ايقىنعانىن ەسكە سالدى. بۇل رەتتە كەز كەلگەن مەملەكەتتىڭ ەكونوميكاسىندا وڭدەۋ ونەركاسىبى ەرەكشە ورىن الادى.

«يندۋستريالاندىرۋ كارتاسى اياسىندا بيىل تاماق ونەركاسىبىندە، قۇرىلىس يندۋسترياسىندا، ماشينا جاساۋدا، مەتاللۋرگيادا جانە باسقا سالالاردا 170 جوبانى ىسكە قوسۋ جوسپارلانعان. بۇل شامامەن 12،5 مىڭ تۇراقتى جۇمىس ورنىن قۇرۋعا مۇمكىندىك بەرەدى»، — دەپ اتاپ ءوتتى پرەمەر-مينيستر.

سونداي-اق مەملەكەت باسشىسىنىڭ تاپسىرماسى بويىنشا ماشينا جاساۋ سالاسىن دامىتۋ جونىندەگى كەشەندى جوسپاردىڭ جوباسى دايىندالۋدا.

«ونى ىسكە اسىرۋ وسى سالاداعى ءوندىرىستى 2 ەسەدەن استام، ەكسپورت كولەمىن 3 ەسەگە، نەگىزگى كاپيتالعا سالىناتىن ينۆەستيسيانى 1،5 ەسەگە ارتتىرۋعا مۇمكىندىك بەرەدى»، — دەدى ءاليحان سمايىلوۆ.

بيىل جەڭىل ونەركاسىپتى دامىتۋدىڭ جول كارتاسىن وزەكتەندىرۋ جۇمىستارى اياقتالادى.

«جالپى، وڭدەۋ سەكتورىن دامىتۋ بويىنشا بارلىق نەگىزگى باعىتتار مەن مىندەتتەر بەلگىلەندى. ەندى ولاردى بەلسەندى تۇردە ىسكە اسىرۋدى قامتاماسىز ەتۋ قاجەت»، — دەپ اتاپ ءوتتى پرەمەر-مينيستر.