اكادەميالىق مارتەبە ونەر ورداسى قىزمەتكەرلەرىنىڭ جالاقىسىن رەتتەۋگە مۇمكىندىك بەرەدى.
قازاقستان ۇكىمەتى جامبىل اتىنداعى قازاق مەملەكەتتىك فيلارمونياسى مەن روزا باعلانوۆا اتىنداعى "قازاقكونسەرت" مەملەكەتتىك كونسەرتتىك ۇيىمىنا "اكادەميالىق" مارتەبە بەرۋدى جوسپارلاپ وتىر. بۇل تۋرالى اشىق نقا پورتالىندا جاريالانعان ۇكىمەت قاۋلىسىنىڭ جوباسىنان بەلگىلى بولدى، دەپ حابارلايدى اlmaty-akshamy.kz.
"ق ر مادەنيەت جانە اقپارات مينيسترلىگىنىڭ "جامبىل اتىنداعى قازاق مەملەكەتتىك فيلارمونياسى" رەسپۋبليكالىق مەملەكەتتىك قازىنالىق كاسىپورنىنا جانە "روزا باعلانوۆا اتىنداعى "قازاقكونسەرت" مەملەكەتتىك كونسەرتتىك ۇيىمى" رەسپۋبليكالىق مەملەكەتتىك قازىنالىق كاسىپورنىنا "اكادەميالىق" مارتەبە بەرىلسىن"، – دەلىنگەن قاۋلى جوباسىندا.
مادەنيەت جانە اقپارات مينيسترلىگىنىڭ تۇسىندىرمە جازباسىنا سايكەس، قوس ونەر ورداسى دا كلاسسيكالىق مۋزىكا ونەرى سالاسىندا جەتەكشى بولىپ تابىلاتىن، ۇلتتىق مادەنيەتى مەن ونەرىن قالىپتاستىرۋعا، دامىتۋعا جانە ناسيحاتتاۋعا ەلەۋلى ۇلەس قوسىپ كەلە جاتقان مەكەمەلەر.
قۇجات جوباسىن جاريا تالقىلاۋ مەرزىمى – 16 قازانعا دەيىن.