بىلتىرعى جىلدىڭ قورىتىندىسى بويىنشا قالانىڭ قىسقا مەرزىمدى ەكونوميكالىق ينديكاتورىنىڭ ءوسىمى - 6،7%.
ءوسۋ درايۆەرى وڭدەۋ ونەركاسىبى بولدى، ونىڭ كولەمى (1487 ملرد تەڭگە) 13%-عا ۇلعايىپ، قازاقستانداعى ەڭ جوعارى ءوسىمدى كورسەتتى. بۇل تۋرالى الاتاۋ اۋدانىنىڭ تۇرعىندارىمەن كەزدەسۋدە قالا اكىمى ەربولات دوسايەۆ ايتتى، دەپ حابارلايدى Almaty-akshamy.kz.
«بۇعان الاتاۋ اۋدانى دا ەلەۋلى ۇلەس قوستى. 2022 جىلى الماتى يندۋستريالىق ايماعىنىڭ دامۋىنىڭ ارقاسىندا الاتاۋ اۋدانىندا ونەركاسىپ ونىمدەرىن ءوندىرۋ كولەمى 30%-عا ءوسىپ، 527 ملرد. تەڭگەنى نەمەسە جالپى كولەمنىڭ 35%-عا جەتتى»، - دەدى قالا اكىمى.
يندۋستريالىق ايماقتىڭ اۋماعىندا وتكەن جىلى 500-دەن استام تۇراقتى جۇمىس ورنى قۇرىلىپ، 10،3 ملرد تەڭگەگە 6 كاسىپورىن جانە 3 شاعىن ونەركاسىپ پاركى اشىلدى.