جەلتوقسان ايىندا موڭكە بي كوشەسىندە كولىك جولايرىعىن سالىپ، ساين كوشەسىن ۇزارتۋ جۇمىستارىن اياقتاۋ جوسپارلانعان
«سونىڭ ارقاسىندا قالانىڭ نەگىزگى ماگيسترالدىق كوشەلەرىندە، ياعني رىسقۇلوۆ داڭعىلى مەن مومىش ۇلى كوشەسىندە، سونىمەن قاتار، اۋداندىق ماڭىزى بار كوشەلەردە كولىك لەگى ايتارلىقتاي ازايادى»، - دەدى قالا اكىمى ەربولات دوسايەۆ الاتاۋ اۋدانىنىڭ تۇرعىندارىمەن كەزدەسۋدە.
2022 جىلى الاتاۋ اۋدانىندا 53 كوشەدەگى ۇزىندىعى 42 كم جول ورتاشا جوندەۋدەن، 35 كوشە اعىمداعى جوندەۋدەن ءوتتى.
جىل سوڭىنا دەيىن "العاباس" جانە "شاڭىراق-1" شاعىناۋداندارىندا 40،5 كم جاڭا جولدىڭ قۇرىلىسى بىتەدى.
سونىمەن بىرگە، وسى جىلدىڭ III توقسانىندا "شاپاعات" شاعىناۋدانىندا سۋمەن جابدىقتاۋ جانە كارىز جەلىلەرىن سالۋ اياقتالعان سوڭ 4،8 كم جاڭا جولدىڭ قۇرىلىسى باستالادى.
2023 جىلى ۇزىندىعى 38 كم بولاتىن 50 كوشەگە ورتاشا جوندەۋ جۇمىستارى جۇرگىزىلەدى.