"الماتى قالاسى بويىنشا الاتاۋ اۋدانىنىڭ مەكتەپتەرىندەگى ورىن تاپشىلىعى جوعارى"، - دەدى قالا اكىمى ەربولات دوسايەۆ الاتاۋ اۋدانىنىڭ تۇرعىندارىمەن كەزدەسۋدە.
وسى ماڭىزدى پروبلەمانى ودان ءارى شەشۋ ءۇشىن كەشەندى شارالار قابىلدانۋدا.
2022 جىلى الاتاۋ اۋدانىندا 7800 ورىندىق جوسپارلانعان 5 جاڭا مەكتەپتەن "سايالى" (1800 ورىن)، "توميريس" (1500 ورىن)، "نۇركەنت" (1500 ورىن) جانە "راحات-مادەنيەت" (1500 ورىن) شاعىناۋداندارىندا 6300 ورىندىق ءتورت مەكتەپ اشىلدى. "دارحان" شاعىناۋدانىنداعى 1500 ورىندىق مەكتەپ 99% دايىن، ونى وسى جىلدىڭ قاڭتار ايىنىڭ سوڭىندا اشۋ جوسپارلانعان. وسى مەكتەپتىڭ اشىلۋىن ەسكەرە وتىرىپ، وقۋشى ورنىنىڭ تاپشىلىعى شامامەن 4 مىڭ ورىنعا دەيىن ازايادى جانە 2022 جىلدىڭ باسىنداعى تاپشى 9 100 ورىنمەن سالىستىرعاندا 2 ەسەدەن كوپ مولشەرگە ازاياتىنىن اتاپ وتكىم كەلەدى.
وتكەن جىلدىڭ قىركۇيەك ايىندا "سايالى-2" شاعىناۋدانىندا 550 ورىندىق مەكتەپتىڭ قۇرىلىسى باستالدى، ونى 2023 جىلدىڭ قاراشا ايىندا اياقتاۋدى جوسپارلاپ وتىرمىز. 2023 جىلى 10 050 ورىندىق تاعى 6 مەكتەپتىڭ قۇرىلىسىن باستاۋ جوسپارلانعان. "زەردەلى" شاعىناۋدانىندا 2023 جىلدىڭ ءى توقسانىندا 550 ورىندىق مەكتەپ قۇرىلىسىن باستاۋ كوزدەلگەن. "سامعاۋ" (2000 ورىن)، "العاباس" (2000 ورىن)، "قاراسۋ" (2000 ورىن) جانە "تەرەكتى" (2000 ورىن) مەن "اقبۇلاق" شاعىناۋدانىندا 690 ورىندىق (1500 ورىن) №154 مەكتەپتى بۇزا وتىرىپ، «جايلى مەكتەپ» ۇلتتىق جوباسىنىڭ اياسىندا بەس مەكتەپ سالىنادى.