كوكشەتاۋ قالاسىنىڭ تۇرعىنى 29 ساۋىردە جوعالىپ كەتكەن
اقمولا وبلىسىندا ون ەكى كۇن بۇرىن ءىز-تۇزسىز جوعالعان ەر ادام ورمان ىشىنەن تابىلدى، دەپ حابارلايدى Almaty-akshamy.kz قازاقپارات-قا سىلتەمە جاساپ.
وبلىستىق پوليسيا دەپارتامەنتى باسپا ءسوز قىزمەتىنىڭ مالىمەتىنشە، كوكشەتاۋ قالاسىنىڭ تۇرعىنى 29 ساۋىردە جوعالىپ كەتكەن. بۇل تۋرالى 6 مامىر كۇنى ونىڭ تۋىستارى پوليسياعا حابارلاپ ايتقان. بەلگىلى بولعانىنداي، ەر ادام جۇمىسقا ورنالاسىپ، كەزەكتى اۋىسىمنان كەيىن ۇيىنە كەلمەي قالعان. باستاپقىدا تۋىستارى ءوز بەتتەرىمەن ىزدەپ كورەدى. الايدا، ودان ناتيجە شىقپاعان سوڭ، ءبىر اپتا وتكەننەن كەيىن عانا پوليسيادان كومەك سۇرايدى.
«جەدەل-ىزدەستىرۋ شارالارى بارىسىندا كوكشەتاۋ قالالىق پوليسيا باسقارماسىنىڭ قىزمەتكەرلەرى جاقىن ماڭداعى اۋماقتاردى ارالاپ، جوعالعان ادام تۋرالى ىقتيمال كۋاگەرلەردەن، تۋىستارى مەن تانىستارىنان سۇراستىردى. ناتيجەسىندە، ەر ادامنىڭ كوكشەتاۋ قالاسىنىڭ بىرلىك شاعىناۋدانى ماڭىنداعى ورمان القابىندا تۇراقتاعانى انىقتالدى. ول مۇنداي قادامعا نەلىكتەن بارعانىن تۇسىندىرمەدى. قازىرگى ۋاقىتتا پوليسەيلەر وقيعانىڭ ءمان-جايىن انىقتاپ جاتىر»، - دەدى ۆەدومستۆودان.