ماڭعىستاۋدا ۇيلەرىن سۋ باسقان وتباسىلارعا ءبىر رەتتىك قارجىلاي كومەك بەرىلەدى

بارلىعى 50-گە جۋىق ءۇيدى سۋ باستى

ماڭعىستاۋ وبلىسىندا ۇيلەرىن سۋ باسقان وتباسىلارعا ءبىر رەتتىك قارجىلاي كومەك بەرىلەدى. ءبىراق ونىڭ كولەمى كوميسسيانىڭ شەشىمىمەن شىعىن كولەمىنە قاراي بولىنبەك، دەپ حابارلايدى Almaty-akshamy.kz BAQ.KZ-كە سىلتەمە جاساپ.
ايتا كەتەيىك، تولاسسىز جاۋعان نوسەر جاۋىننان اسىرەسە، جاڭاوزەن قالاسى مەن مۇنايلى اۋدانىنىڭ تۇرعىندارى زارداپ شەكتى. بارلىعى 50-گە جۋىق ءۇيدى سۋ باستى. مۇنايلى اۋدانىنىدا 116 كوشە مەن 100 دەن اسا ءۇيدىڭ اۋلاسىنا سۋ جينالدى. وكىنىشكە قاراي، باتىر اۋىلىندا ءبىر ءۇيدىڭ 2 بالاسى قۇداققا جينالعان جاڭبىر سۋىنا ءتۇسىپ، قايتىس بولدى. ال بەينەۋ اۋدانىندا زيراتتاپ شىققان 1 اۆتوبۋس تولى ادام بالشىققا باتىپ، جولدا قالعان. قۇتقارۋشىلار بارلىعى 23 تۇرعىننىڭ جارتىسىن اۋىلعا سول كۇنى، قالعانىن كەلەسى كۇنى ءبىر-اق جەتكىزدى.

سۋ سورۋ جۇمىستارى ءالى دە جالعاسىپ جاتىر. قازىرگى تاڭدا تەك بىزدە اتامەكەن اۋلدىق وكرۋگى قالدى. سۋ كىرگەن ۇيلەردىڭ ءبارىن قاراۋ جۇمىستارى جۇرگىزىلۋدە. جانە وسىعان بايلانىستى كوميسسميامەن اكت جاساپ، اكت جاساقتالىپ بولعاننان كەيىن. اۋدان كولەمىندە شەشىم قابىلدانادى، – دەدى مۇنايلى اۋداندىق توتەنشە جاعدايلار ءبولىمىنىڭ باستىعى ازامات قۇلمانوۆ.