مامىر ايى ەلدىڭ كوپ بولىگىندە ىستىق جانە قۇرعاق بولادى.
ماۋسىم ايىندا ايلىق ورتاشا اۋا تەمپەراتۋراسى قازاقستاننىڭ سولتۇستىگى مەن ورتالىعىندا 17-20 گرادۋس، ال باتىسىندا 23-25 گرادۋس بولادى، دەپ حابارلايدى aqshamnews.kz
ەكولوگيا جانە تابيعي رەسۋرستار ءمينيسترى ەرلان نىسانبايەۆ قۇرعاقشىلىققا قاتىستى بولجامدى جاريالادى.
مامىر ايى ەلدىڭ كوپ بولىگىندە ىستىق جانە قۇرعاق بولادى. الايدا ەگىن ەگەتىن وڭىرلەردە جانە وڭتۇستىكتە جاۋىن-شاشىن كولەمى كليماتتىق نورماعا جاقىندايدى.
"مامىر ايىندا قوستاناي وبلىسىنىڭ وڭتۇستىگىندە، باتىس قازاقستان جانە ماڭعىستاۋ وبلىستارىنىڭ وڭتۇستىك-باتىس جارتىسىندا، قىزىلوردا وبلىسىنىڭ سولتۇستىك-باتىس بولىگىندە، الماتى جانە جامبىل وبلىستارىنىڭ سولتۇستىگىندە، قاراعاندى وبلىسىنىڭ وڭتۇستىگىندە، سونداي-اق اقتوبە، اتىراۋ، اباي جانە تۇركىستان وبلىستارىنىڭ جەكەلەگەن اۋداندارىندا قۇرعاقشىلىق بولادى دەپ بولجانۋدا"، - دەدى نىسانبايەۆ ۇكىمەتتىڭ بۇگىنگى وتىرىسىندا.
ماۋسىم ايىندا قازاقستاننىڭ باسىم بولىگىندە ايلىق ورتاشا اۋا تەمپەراتۋراسى، ياعني ەلدىڭ سولتۇستىگى مەن ورتالىعىندا 17-20 گرادۋس، ال باتىسىندا 23-25 گرادۋس بولادى. ال وڭتۇستىك-باتىستا جانە قيىر وڭتۇستىكتە ماكسيمالدى تەمپەراتۋرا 45 گرادۋسقا دەيىن كوتەرىلەدى.
"ەلدىڭ باتىسىندا جانە سولتۇستىك-شىعىسىندا، شىعىسىندا جانە وڭتۇستىگىندە جاۋىن-شاشىن نورما شەگىندە، ال قالعان اۋماقتا كوبىنەسە نورمادان از بولادى"، - دەپ اتاپ ءوتتى مينيستر.
شىلدە ايىندا اۋا تەمپەراتۋراسى نورما شەگىندە، جاۋىن-شاشىن نەگىزىنەن كوپجىلدىق نورماعا ساي بولادى. ال تامىز جانە قىركۇيەك ايلارى ەگىننىڭ ءپىسۋى جانە ونى جيناۋ جۇمىستارىنا قولايلى بولادى دەپ بولجانىپ وتىر.