ەڭبەكشى جاستار فورۋمىنىڭ قاتىسۋشىلارى جاستارعا ۇندەۋ جولدادى
رەسپۋبليكالىق ەڭبەكشى جاستار فورۋمىنىڭ قاتىسۋشىلارى جاستارعا ۇندەۋ جولدادى، دەپ حابارلايدى اlmaty-akshamy.kz
قۇرمەتتى قۇرداستار، قىمباتتى دوستار!
قاڭتار ايىنىڭ قاسىرەتتى كۇندەرىندە قازاقستاننىڭ بولاشاعىن ويلايتىن ءاربىر جان ەلىمىزدىڭ جاۋلارىنىڭ بەيبىت شەرۋلەر مەن جاستاردى قالالارىمىزداعى جاعدايدى تۇراقسىزداندىرۋ ءۇشىن، ال قوردالانعان قايشىلىقتاردى، ادىلەتتىلىك سەزىمىن جانە يگى وزگەرىستەرگە دەگەن تىلەكتى قاقتىعىستارعا، تارتىپسىزدىكتەرگە جانە بۇلىكتەرگە پايدالانۋ ارەكەتتەرىن انىق كوردى.
قازىرگى كۇردەلى جانە قيىن كەزەڭدە ءبىز جاستاردى سىندارلى ويلاۋعا، ءوز مۇددەلەرىن بارريكادا ارقىلى ەمەس، بەيبىت جولمەن قورعاۋعا، كاسىپوداقتارعا بىرىگۋ نەمەسە جاستار قۇرىلىمدارىمەن بىرلەسىپ ماسەلەلەردى شەشۋگە شاقىرامىز.
ءبىز تۇراقتى ديالوگتا بىرگە بولۋ جانە ءار بۋىننىڭ بارلىق ازاماتتارىنىڭ مۇددەلەرىن قۇرمەتتەۋ، زاڭدى بۇزباي، پايدالى شارۋالارمەن اينالىسۋ، ياعني ۇزدىك وقۋ، ادال ەڭبەك ەتۋ ارقىلى عانا حالقىمىزدىڭ، اعا بۋىننىڭ ۇلكەن ءۇمىتى مەن سەنىمىن اقتاي الامىز.
ءبىز ەل پرەزيدەنتى قاسىم-جومارت توقايەۆتىڭ قۋاتتى جانە وركەندەگەن مەملەكەت قۇرۋ باعىتىن قولدايمىز.
تاۋەلدى كوزقاراستاردى، ماقساتسىزدىقتى جانە جۇمىس ىستەگىسى كەلمەۋدى قابىلدامايمىز.
بۇگىندە حالقىمىز، سۇيىكتى وتانىمىز، پرەزيدەنت بىزدەن - وسكەلەڭ ۇرپاقتان ۇلكەن جەتىستىكتەر كۇتەدى.
ءبىزدىڭ زامانىمىز، جاڭا قازاقستاندى قۇراتىن، سوندا ءومىر سۇرەتىن ادامداردىڭ زامانى كەلەدى.
وزگەرىستەردى وزىمىزدەن باستاپ، بولىپ جاتقان جاعدايعا جەكە جاۋاپكەرشىلىك تانىتۋ ارقىلى عانا ءبىز قۋاتتى، تاۋەلسىز قازاقستاندا جاڭا شىندىقتى قالىپتاستىرا الامىز!
وتانعا ايانباي قىزمەت ەتۋ، كەز كەلگەن سىناقتار مەن قيىندىقتاردى تاباندىلىقپەن جەڭۋ ءومىرىمىزدىڭ ماقساتى بولسىن!