ق ر باس مەملەكەتتىك سانيتارلىق دارىگەرى ايجان ەسماعامبەتوۆا قازاقستان رەسپۋبليكاسى حالقى اراسىندا COVID-19 كوروناۆيرۋس ينفەكسياسىنىڭ تارالۋىنىڭ الدىن الۋ ماقساتىندا جاڭا كارانتيندىك قاۋلىعا قول قويدى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
جاڭا قۇجاتتا يوگا جانە سپا ورتالىقتارى، فيتنەس-كلۋبتارى، مونشا، ساۋنا، باسسەين، كومپيۋتەرلىك كلۋبتار، بوۋلينگ، بيليارد، كاراوكە، كورمە، تەاتر سىندى نىساندارعا «Ashyq» جوباسىن ەنگىزۋ جانە ىسكە اسىرۋ جالعاساتىنى جازىلعان.
قوسا بەرىلىپ وتىرعان:
1. وسى قاۋلىعا 1-قوسىمشاعا سايكەس، «Ashyq» جوباسىنا جاڭا قاتىسۋشىلاردى قوسۋ الگوريتمى؛
2. وسى قاۋلىعا 2-قوسىمشاعا سايكەس، «Ashyq» جوباسىن ەنگىزۋ جانە «قىزىل» مارتەبەسى بار كەلۋشىلەردى انىقتاۋ كەزىندە شارالار قابىلداۋ الگوريتمى؛
3. وسى قاۋلىعا 3-قوسىمشاعا سايكەس، ەرەجە بۇزعان قاتىسۋشىلاردى «Ashyq» جوباسىنان شىعارۋ الگوريتمى؛
4. وسى قاۋلىعا 4-قوسىمشاعا سايكەس، «Ashyq» جوباسىنا قاتىساتىن الەۋمەتتىك-ەكونوميكالىق وبەكتىلەردىڭ قىزمەتىن شەكتەۋ ولشەمشارتتارى بەكىتىلەدى.
ق ر سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگىنە وبەكتىلەردە ەنگىزۋ كەزىندە «Ashyq» جوباسىن تەحنيكالىق قولداۋ جۇكتەلگەن.
وبلىستاردىڭ، نۇر-سۇلتان، الماتى، شىمكەنت قالالارىنىڭ اكىمدەرى، «اتامەكەن» ۇكپ (كەلىسۋ بويىنشا) قۇزىرەتىنە سايكەس شارالار قابىلدايدى جانە:
1) وسى قاۋلىنىڭ 1 جانە 2-تارماقتارىنا سايكەس، وبەكتىلەردە «Ashyq» جوباسىن ەنگىزۋدى؛
2) وسى قاۋلىنىڭ 1 جانە 2-تارماقتارىنا سايكەس، جوبانى ىسكە اسىرۋعا قاتىساتىن وبەكتىلەردىڭ تىزبەسىن ايقىنداۋدى؛
3) حالىقتى، جەكە جانە زاڭدى تۇلعالاردى جوباعا قاتىساتىن وبەكتىلەرگە كىرۋ ءۇشىن «Ashyq» ءموبيلدى قوسىمشاسىن، ونىڭ ىشىندە باسقا دا پلاتفورمالاردى (مىسالى، eGov mobile، اitu، Kaspi.kz، Halyk Bank، Sberbank.kz، الفا-بانك پلاتفورماسىنداعى انالوگى، www.ashyq.kz سايتى) پايدالانۋ قاجەتتىگى تۋرالى حاباردار ەتۋگە مىندەتتەلەدى.
«Ashyq» جوباسىنا قاتىسۋشىلار:
1) وسى قاۋلىعا 2-قوسىمشاعا سايكەس، «Ashyq» جوباسىن ەنگىزۋگە جانە وعان قاتىسۋعا قويىلاتىن تالاپتاردىڭ ساقتالۋىن قامتاماسىز ەتەدى؛
2) ءوڭىر «قىزىل» ايماقتان «سارى» ايماققا نەمەسە «سارى» ايماقتان «جاسىل» ايماققا اۋىسقان كەزدە وسى قاۋلىعا 2-قوسىمشاعا سايكەس تالاپتاردى ساقتاۋدى جالعاستىرادى؛
3) وسى قاۋلىنىڭ تالاپتارىنىڭ ساقتالۋىن قامتاماسىز ەتەدى.
«Ashyq» جوباسىن ەنگىزۋ تۋرالى» ق ر باس مەملەكەتتىك سانيتارلىق دارىگەرىنىڭ 2022 جىلعى 27 قاڭتارداعى №7 قاۋلىسىنىڭ كۇشى جويىلدى دەپ سانالادى.
قاۋلىنىڭ تولىق نۇسقاسىن ق ر دسم سانيتارلىق-ەپيدەميولوگيالىق باقىلاۋ كوميتەتىنىڭ رەسمي سايتىنان وقۋعا بولادى.