الماتىدا تاعى ءبىر قارۋ-جاراق ارسەنالى تابىلدى، دەپ حابارلايدى اlmaty-akshamy.kz
قارۋ-جاراق جاسىرىلعان ورىندى الماتى قالاسىنداعى لا-155/18 قىلمىستىق-اتقارۋ جۇيەسى دەپارتامەنتى قىزمەتكەرلەرى انىقتادى.
«الماتى قالاسىندا جاپپاي تارتىپسىزدىكتەرگە قاتىسقانى ءۇشىن ۇستالعان، قاماۋعا الىنعان ازاماتتاردان قارۋ-جاراق پەن وق-دارىلەردىڭ جاسىرىلعان ورنى تۋرالى اقپارات الىندى. ول قالانىڭ كريمينالدىق پوليسيا قىزمەتكەرلەرىنە تاپسىرىلدى. مەكەمەمىزدىڭ جەدەل ءبولىمىنىڭ قىزمەتكەرلەرى كپب جانە مەدەۋ اۋداندىق پوليسيا باسقارماسىنداعى ارىپتەستەردىڭ كومەگىمەن مەدەۋ تراكتىنە اپاراتىن ورمان بەلدەۋىندە جاسىرىن قويمانىڭ ورنالاسقان جەرى انىقتالدى. كۇدىكتىلەر قارۋ-جاراق پەن وق-دارىلەردى جاسىرىپ قويعان. ايتا كەتەرلىگى، كۇدىكتىلەر قارۋ-جاراق جاسىرىلعان جەردى جىلدام تابۋ ءۇشىن جانىنداعى اعاشقا ءىز قالدىرعان. نەگىزى ءبىز سول ارقىلى تاپتىق»، – دەدى الماتى قالاسى بويىنشا لا-155/18 قاجد مەكەمەسى باستىعىنىڭ جەدەل جۇمىس جونىندەگى ورىنباسارى ازامات امانجولوۆ.
تەرگەۋ-جەدەل توبىمەن ريەۆولۆەر، شولاق مىلتىق، پاتروندار، گراناتالار، ءتۇتىن گراناتالارى تاركىلەندى. تابىلعان قارۋ-جاراق ارسەنالى سوت-بالليستيكالىق ساراپتاماعا جىبەرىلدى.