يممۋنولوگ الىپ-قاشپا اڭگىمەلەرگە سەنبەۋگە شاقىرادى
يممۋنولوگ، مەديسينا عىلىمدارىنىڭ كانديداتى نيكولاي كريۋچكوۆ "وميكرون"شتامى كوروناۆيرۋستىق ۆاكسينانى الماستىرا الادى دەگەن پىكىردى جوققا شىعاردى. بۇل تۋرالى ول "ۆەچەرنيايا موسكۆا" باسىلىمىنا بەرگەن سۇحباتىندا ايتتى، دەپ حابارلايدى Almaty-akshamy.kz ءتىلشىسى رەن-تۆ-عا سىلتەمە جاساپ.
كريۋچكوۆ مۇنداي مالىمدەمەلەر ۆاكسيناسيالاۋ قارقىنىن باسەڭدەتۋى مۇمكىن ەكەندىگىنە نازار اۋداردى. سەبەبى بۇعان سەنىپ، كەيبىر ادامدار ەكپە الۋدان باس تارتۋى مۇمكىن، دەيدى.
«ولارعا ءتىپتى حابارلاپ تا ۇلگەرگەن. جاڭا جىلعا بىزدە سىيلىق بار: ءتىرى، تەگىن ۆاكسينا، ەشقايدا بارۋدىڭ دا قاجەتى جوق. اۋرۋدى قايتا جۇقتىرامىز - سودان كەيىن ءبارى جاقسى بولادى دەگەندەي»، - دەپ تولىقتىرعان يممۋنولوگ كوروناۆيرۋستىڭ جاڭا ءتۇرىنىڭ ءقاۋىپتى ەكەنىن ەسكەرتتى.
ەستەرىڭىزگە سالا كەتەيىك، وڭتۇستىك افريكادا COVID-19 جاڭا مۋتاسياسى تابىلدى. بۇگىنگى تاڭدا بۇل شتامم 40-قا جۋىق ەلدە تابىلدى. ابىروي بولعاندا، ازىرگە ءولىم جاعدايلارى ءالى تىركەلگەن جوق. سونداي-اق، "وميكرون" اۋرۋىنىڭ تەز تارالۋىنا قاراماستان، ناۋقاستارداعى اۋرۋدىڭ ءوزى "دەلتا" شتامىمەن اۋىراتىندارعا قاراعاندا جەڭىل جانە تەز جۇرەتىنى بەلگىلى.