ق ر پرەزيدەنتى جانىنداعى ورتالىق كوممۋنيكاسيالار قىزمەتىندە وتكەن باسپا ءسوز كونفەرەنسياسىندا مەگاپوليس اكىمى باقىتجان ساعىنتايەۆ جۇمىس ىستەيتىن جاس قالا تۇرعىندارىن تۇرعىن ۇيمەن قامتاماسىز ەتۋ ماسەلەسىن شەشۋ تۋرالى ايتتى، دەپ حابارلايدى اlmaty-akshamy.kz
بۇگىندە جەكە تۇرعىن ءۇي ساتىپ الۋعا جەتكىلىكتى قارجىسى جوق 29 جاسقا دەيىنگى جاستاردا «نۇرلى جەر» باعدارلاماسى بويىنشا قولجەتىمدى باعامەن جالعا بەرىلەتىن پاتەرلەردى الۋ مۇمكىندىگى بار. ول بويىنشا ەڭ تومەنگى جالداۋ اقىسى 10 مىڭ تەڭگەدەن باستالاتىن 5 جىل مەرزىمگە ساتىپ الۋ قۇقىعىنسىز جالعا بەرىلەتىن تۇرعىن ءۇي بەرۋ كوزدەلگەن.
2021 جىلعى 15-20 قاراشا ارالىعىندا وسى باعدارلاما اياسىندا almaty-jastary.info سايتىندا وتىنىمدەردى ونلاين قابىلداۋ جۇرگىزىلدى.
ناۋرىزباي اۋدانىنىڭ «الما سيتي-5» تك جانە الاتاۋ اۋدانىنىڭ «مادەنيەت» تك-دە 1050 پاتەر. بايقاۋ قورىتىندىسى اتالعان سايتتا 2021 جىلدىڭ 16 جەلتوقسانىندا جاريالانادى. جىل باسىنان بەرى 910 وتباسى باسپانالى بولدى.
سونىمەن قاتار، وتكەن جىلدان باستاپ «الماتى جاستارى» قالالىق باعدارلاماسى بويىنشا جىلىنا مىڭداعان جەڭىلدەتىلگەن نەسيەلەر بەرىلىپ كەلەدى.
جالپى، ءوسىپ كەلە جاتقان حالىقتى تۇرعىن ۇيمەن قامتاماسىز ەتۋ ءۇشىن جىل سوڭىنا دەيىن 2،6 ملن شارشى مەتردەن استام تۇرعىن ءۇيدى پايدالانۋعا بەرۋ جوسپارلانىپ وتىر. كەزەكتە تۇرعاندار ءۇشىن بيۋدجەت ەسەبىنەن 3،2 مىڭ پاتەر تاپسىرىلادى. «نۇرلى جەر» باعدارلاماسى بويىنشا «شاڭىراق» پيلوتتىق جوباسى ىسكە قوسىلدى، بۇل بيىل 800-دەن استام الماتىلىقتاردى تۇرعىن ۇيمەن قامتاماسىز ەتۋگە مۇمكىندىك بەردى.