"وميكرون" شتامى پارسى شىعاناعىنا جەتتى

"وميكروندى" جۇقتىرعان ازامات ەلگە شەتەلدەن كەلگەن

سكولكوۆو عىلىم جانە تەحنولوگيالار ينستيتۋتىنىڭ عالىمدارى افريكا ەلدەرىمەن اۋە شەكاراسىن جابۋ كوروناۆيرۋستىڭ جاڭا "وميكرون" شتامىنىڭ تارالۋىنا جول بەرمەۋگە ىقپال جاسايدى، دەپ حابارلادى پروفەسسور گەورگيي بازىكين.

«بۇل شارا شتامنىڭ تارالۋىنىڭ ەرتە كەزەڭىندە ءتيىمدى. ءقازىر رەسەيدە «وميكروننىڭ» قانشالىقتى كەڭ تارالعانى ءالى بەلگىسىز بولعان كەزدە، شەكارالاردىڭ جابىلۋى قاجەتتى شارا»، - دەدى بازىكين.

وزدەرىڭىز بىلەتىندەي، رەسەي فەدەراسياسىنىڭ دەنساۋلىق ساقتاۋ ءمينيسترى كوروناۆيرۋستىڭ تارالۋىنا بايلانىستى افريكانىڭ 9 ەلىنەن جانە گونكونگتان رەسەيگە كىرۋگە تولىق تىيىم سالاتىن بۇيرىققا قول قويدى، - دەلىنگەن Covid-19 تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ Telegram كانالىندا.

پارسى شىعاناعىندا «وميكرون» شتامىن جۇقتىرۋدىڭ العاشقى فاكتىسى تىركەلدى. بۇل تۋرالى باحرەين كورولدىگىنىڭ دەنساۋلىق ساقتاۋ مينيسترلىگى حابارلادى.

وميكروندى جۇقتىرعان ازامات ەلگە شەتەلدەن كەلدى. سونىمەن قاتار، كارانتيندىك شارالاردىڭ ساقتالۋىنىڭ ناتيجەسىندە پاتشالىقتىڭ ىشىندە بايلانىس ورناتپاعانى تۋرالى مالىمدەمە جاسالدى.

بۇگىنگى كۇنىگە باحرەيندە كوروناۆيرۋس ينفەكسياسىن جۇقتىرۋ فاكتىلەرىنىڭ سانى 277 997 جەتتى، ال كۆي سالدارىنان 1 396 ازامات قايتىس بولدى. سونداي اق، ەلدە 1 191 857 ادام نەمەسە 79،4%-ى ەڭ بولماعاندا ءبىر كومپونەنتپەن ەگىلدى. 1 164 525 ازامات، ياعني حالىقتىڭ 77،6%-ى ۆاكسينالاۋدىڭ تولىق كۋرسىنان ءوتتى.