قازا تاپقانداردىڭ باسىم كورشىلىگى كەنتۋككي شتاتىندا تىركەلگەن
اقش-تىڭ بىرنەشە شتاتىنا تابيعي داۋىل سوعىپ، سالدارىنان كەم دەگەندە 79 ادام قازا تاپتى، دەپ حابارلايدى Almaty-akshamy.kz CNN تەلەارناسىنا سىلتەمە جاساپ.
قازا تاپقانداردىڭ باسىم كوپشىلىگى، ناقتى ايتار بولساق 70 ادام كەنتۋككي شتاتىندا كوز جۇمعان. تورنادو نەگىزىنەن وسى مەكەنگە سوققى بەرگەن. شتاتتىڭ گۋبەرناتورى ەندي بەشير قازا تاپقان ادامدار سانى ءالى دە ۇلعايۋى مۇمكىن ەكەنىن ايتتى.
ال، اركانزاس پەن تەننەسسي بيلىگى ءار شتاتا 30 ادامنان قازا تاپقانىن جەتكىزدى، يللينويستا تابيعي داۋىل ەكى جەرگىلىكتى تۇرعىنىنڭ ءومىرىن جالماعان، ميسسۋري شتاتىندا 84 جاستاعى كەيۋانا قازا تاپتى.
ەڭ ۇلكەن قۇيىن 10 مىڭ تۇرعىنى بار مەيفيلد قالاسىنا سوققى بەرگەن، سالدارىنان كوپتەگەن ءۇي جارامسىز بولىپ قالعان، وعان قوسا ءوندىرىس زاۋىتىنىڭ شاتىرى قيراپ، پوليسيا ءبولىمى مەن ءورت ءسوندىرۋ ستانسياسى بۇلىنگەن.
«ادامدار بۇگىن قايدا بارىپ تۇنەيتىنىن بىلمەيدى، دۇيسەنبى كۇنى تاڭەرتەڭ جۇمىسقا قالاي بارادى. بۇل راسىمەن دە قيىن جاعداي بولدى»،-دەيدى قالانىڭ مەرى كەتي ستيۋارت و`نان.
قالاداعى جۇزدەگەن تۇرعىن زاۋىتتا جۇمىس ىستەگەن ءارى جاڭا جىلدىق مەيرام الدىندا جۇمىس تا وتە كوپ بولعان.
ونىڭ ايتۋىنشا، سونداي-اق قالانىڭ اكىمشىلىك كەشەنى دە قيراعان.
تورنادونىڭ سوعۋىنان ەلەكتر قۋاتى دا ءۇزىلىپ، تەننەسسي مەن كەنتۋككيدەگى 200 مىڭنان استام ادام جارىقسىز قالعان.