جەكپە-جەك جەتىنشى راۋندتا قامشىبەكتىڭ جەڭىسىمەن اياقتالدى
الماتىدا ءوتىپ جاتقان MTK Kazakhstan بوكس كەشىندە باستى كەزدەسۋ ءوتتى، دەپ حابارلايدى Almaty-akshamy.kz قازاقپارات سايتىنا سىلتەمە جاساپ.
Sports.kz –ءتىڭ مالىمەتىنشە، كەزدەسۋدە قازاقستاندىق بوكسشى قامشىبەك قوڭقابايەۆ (3-0، 3 كو) بريتانيالىق ستيۆەن ۋوردپەن (13-1، 4 كو) جۇدىرىقتاسقان.
كرۋزەرۆەيتتەگى جەكپە-جەكتە قارسىلاستار بوس تۇرعان WBA Gold چەمپيوندىق اتاعى ءۇشىن سايىسقا ءتۇستى. كەزدەسۋ 12 راۋندقا ەسەپتەلگەن. الايدا، ول اياعىنا دەيىن جەتپەدى. جەكپە-جەك جەتىنشى راۋندتا قامشىبەكتىڭ جەڭىسىمەن اياقتالدى. ۋورد العان جاراقاتىنا سايىستى جالعاستىرا المادى.
بەسىنشى راۋندتا تورەشى بريتانيالىق بوكسشىنىڭ نوكداۋنعا تۇسكەنىن كورسەتتى.
وسىلايشا، قامشىبەك قوڭقابايەۆ كاسىبي بوكستاعى كارەراسىندا 4ء-شى جەڭىسىنە (ءتۇرتىنشىسىن نوكاۋتپەن) قول جەتكىزدى. ول WBA Gold چەمپيوندىق بەلدىگىن جەڭىپ الدى. ستيۆەن ۋورد بولسا، كاسىبي رينگتە ەكىنشى رەت جەڭىلدى.