كوروناۆيرۋستىڭ «وميكرون» جانە «دەلتا» شتامدارىن ءبىر ۋاقىتتا جۇقتىرۋ ۆيرۋستىڭ ودان ارى مۋتاسيالانۋىنا اكەلەدى
ونداي بولعان جاعدايدا نۇسقالار «گەندارىمەن الماسۋى» مۇمكىن دەپ سانايدى Moderna امەريكاندىق فارماسيەۆتيكالىق كومپانياسىنىڭ باس مەديسينالىق مامانى پول بەرتون. بۇل تۋرالى رەن-تۆ سايتىنا ايتىلدى، دەپ حابارلايدى Almaty-akshamy.kz
ۇلىبريتانيا قاۋىمدار پالاتاسىنىڭ عىلىم جانە تەحنولوگيالار جونىندەگى كوميتەتىندە سويلەگەن سوزىندە ول يممۋنيتەتى تومەن پاسيەنتتەر كوروناۆيرۋستىڭ ەكى نۇسقاسىن جۇقتىرۋى مۇمكىن ەكەنىن اتاپ ءوتتى.
«بۇل ادامداردىڭ ەكى نۇسقانى دا جۇقتىرىپ، ال ول ۆيرۋستاردىڭ ودان ارى دامىپ، مۋتاسيالانۋىنا اكەلۋى مۇمكىن، وسى جاعداي ءقاۋىپ تۋدىرىپ وتىر»، - دەيدى پول بەرتون.
بەرتون «وميكرون» ۆيرۋستىڭ الدەقايدا جەڭىل ءتۇرى دەپ سانايدى. مامان العاشقى مالىمەتتەر اۋرۋحاناعا جاتقىزۋدىڭ جوعارى دەڭگەيىن جانە قارقىندى تەراپيا بولىمشەلەرىندەگى پاسيەنتتەردىڭ «دەلتامەن» سالىستىرىلاتىندىعىن ايتادى.
بۇعان دەيىن ۇلىبريتانيانىڭ پرەمەر-مينيسترى بوريس دجونسون ەلدە «وميكرون»-شتامىن جۇقتىرعان ناۋقاستىڭ العاشقى ءولىمى جايلى مالىمدەگەن بولاتىن.