ومار جالەل تۋرالى تاعى قىزىقتى اقپارات جاريا بولدى

ابايتانۋشى ومار جالەلدىڭ ەكىنشى ايەلى ءلاززات مىرزاش ونىمەن نە ءۇشىن اجىراسقانىن الەۋمەتتىك جەلىدە جازدى، دەپ حابارلادى Almaty-akshamy.kz.

«بەس جىل وتاسىپ، ءۇش بالانىڭ اتا-اناسى اتاندىق. باستاپقىدا تۇركيادا وقىپ جاتقان جەرىمە ارنايى كەلىپ سىرعا-ساقينا تاعىپ، كىشى جارىم بولاسىڭ با دەپ ۇسىنىس جاساعان بولاتىن. بەرگەن ۋادەسىندە تۇرماي، ورتا جولدان بالالارىممەن تاستاپ كەتتى. 5-8 ايعا بالالارىممەن جالعىز قالدىرىپ كەتە بەرەتىن. بالالارىما اليمەنت تولەمەيدى. ءبىراق بەرگەن سۇحباتتارىندا «بالالارىما كومەكتەسىپ» تۇرامىن دەگەنىنە اشۋ-ىزام كەلەدى. وعان اقشاسى بار، جايلى ايەل كەزدەسكەن سوڭ ءبىزدىڭ وتباسىنى تاستاپ كەتتى»، - دەيدى ول.

ءلاززات مىرزاش اتاعانداي، ومار جالەلدىڭ العاشقى ايەلى ەكەۋىنىڭ ۇيلەنۋىنە رۇقسات بەرگەن. وسىلايشا، ولار تۇركيادا نەكەلەرىن قيعان.

ول ماڭعىستاۋدا ءدارىس وتكىزگەلى جاتقان ومار جالەلدىڭ كۋرسىن دا سىنادى.

«مىنا ازعىن ءىلىمدى ماڭعاز ماڭعىستاۋعا جايىلىپ، ۇرپاعىڭنىڭ الدىندا ماسقارا بولماقشىسىڭ با؟ بۇلاردىڭ اداسۋشى ءىلىمى كيەلى دە قاسيەتتى جەردە تاراۋعا تيەسىلى ەمەس. ومار، ساعان ەسكەرتەمىز، ادايدا كۇيەۋ ساباۋ دەگەن ءداستۇر بار. اداي ەش ۋاقىتتا قىزىن، قارىنداسىن قورلاتىپ جىلاتىپ قويماعان»، - دەپ جازدى ول.