اگرارلىق سەكتور مەن وڭدەۋشى سالادا سوڭعى 10 جىل ىشىندەگى ەڭ قارقىندى ءوسىم تىركەلدى. بۇل تۋرالى ۇكىمەتتىڭ كەڭەيتىلگەن وتىرىسى بارىسىندا پرەمەر-مينيستر ولجاس بەكتەنوۆ ايتتى، دەپ حابارلايدى aqshamnews.kz
— 2024 جىلى ەكونوميكا 4،8 پايىزعا ءوستى. اۋىل شارۋاشىلىعىندا 13،7 پايىز، قۇرىلىستا — 13،1، ساۋدادا — 9،1، كولىك سالاسىندا 8،5 پايىز دەڭگەيىندە وسىمگە قول جەتكىزىلدى. وڭدەۋ ونەركاسىبىنىڭ كولەمى 5،9 پايىزعا ۇلعايدى. اگرارلىق سەكتور مەن وڭدەۋشى سالادا سوڭعى 10 جىل ىشىندەگى ەڭ قارقىندى ءوسىم تىركەلدى، — دەدى ولجاس بەكتەنوۆ.
ونىڭ ايتۋىنشا، مۇناي ءوندىرۋ كولەمى 2 ملن 400 مىڭ تونناعا تومەندەپ، جالپى ىشكى ءونىمنىڭ ءوسۋ قارقىنىنا كەرى اسەرىن تيگىزدى.
— بۇل كوبىنە ەلىمىزدىڭ وپەك+ اياسىنداعى مىندەتتەمەلەرىنە جانە ءىرى كەن ورىندارىنداعى كۇردەلى جوندەۋ جۇمىستارىنا بايلانىستى بولدى، — دەدى ۇكىمەت باسشىسى.