قازاقستان تۇركياعا ءونىمنىڭ 34 ءتۇرى بويىنشا جالپى قۇنى 630 ملن دوللاردان اساتىن تاۋار ەكسپورتىن ارتتىرۋعا نيەتتى.
ولاردىڭ ىشىندە مەتاللۋرگيا، مۇناي-حيميا، ازىق-تۇلىك جانە ماشينا جاساۋ ونەركاسىبىنىڭ ونىمدەرى بار. بۇل جونىندە ۇكىمەت باسشىسى ولجاس بەكتەنوۆتىڭ تۇركيا ەلىنە جاساعان جۇمىس ساپارى بارىسىندا بەلگىلى بولدى. انادولى جەرىندە پرەمەر-مينيسترى باۋىرلاس ەلدىڭ باسشىسى رەجەپ تايىپ ەردوعاننىڭ قابىلداۋىندا بولدى. كەزدەسۋدە ولجاس بەكتەنوۆ تۇركيا پرەزيدەنتىنە قازاق باسشىسى قاسىم-جومارت توقايەۆتىڭ ىستىق سالەمى مەن ىزگى تىلەكتەرىن جەتكىزدى. ەكى مەملەكەت باسشىلارى دەڭگەيىندە كەڭەيتىلگەن ستراتەگيالىق ارىپتەستىك رۋحىندا ءوزارا ءىس-قيمىلدى دامىتۋ بويىنشا قول جەتكىزىلگەن ۋاعدالاستىقتار ساۋدا-ەكونوميكالىق، ينۆەستيسيالىق، ەنەرگەتيكالىق، كولىك-لوگيستيكالىق، اگرارلىق جانە مادەني-گۋمانيتارلىق ىنتىماقتاستىقتىڭ بارلىق سالالارىندا بەلسەندى ىسكە اسىرىلاتىنى اتاپ ءوتىلدى.
پرەمەر-مينيستر تۇركيانىڭ ۆيسە-پرەزيدەنتىمەن كەلىسسوزدەر جۇرگىزىپ، ءىرى كومپانيالار مەن حولدينگ وكىلدەرىمەن كەزدەستى. سونىمەن قاتار قازاق-تۇرىك بيزنەس-فورۋمىنا دا قاتىسىپ، ءبىرقاتار ماڭىزدى كەلىسىمدەر جاساستى. اتاپ ايتقاندا، ينۆەستيسيالىق ارىپتەستىك باعىتىندا جالپى قۇنى 180 ملن دوللاردان اساتىن كوممەرسيالىق 10 قۇجاتقا قول قويىلدى. ونىڭ ىشىندە دايىن ءونىمدى ەكسپورتتاۋ جونىندەگى مەموراندۋم، لوگيستيكالىق حاب سالۋ تۋرالى كەلىسىمدەر بار.
يستوچنيك: https://24.kz/kz/zha-aly-tar/sayasat/item/649898-bektenov-erdo-anmen-kezdesti
قولدانىلعان ماتەريالدارعا مىندەتتى تۇردە www.24.kz سايتىنا گيپەرسىلتەمە بەرىلۋى ءتيىس
ولجاس بەكتەنوۆ، ق ر پرەمەر-مينيسترى: - قازاقستان ۇكىمەتى تۇرىك ينۆەستورلارىنىڭ قاتىسۋىمەن وزىق تەحنولوگيالاردى ترانسفەرتتەۋ، وندىرىستەردى لوكاليزاسيالاۋ جانە تەرەڭ وڭدەۋ كلاستەرلەرىن قۇرۋ بويىنشا ينۆەستيسيالاردىڭ كولەمىن ارتتىرۋعا نيەتتى. وزدەرىڭىز بايقاعانداي قازاقستاننىڭ ينۆەستيسيالىق الەۋەتى وراسان زور جانە تۇرىك مەملەكەتىمەن ءوزارا ءتيمىدى بيزنەس جۇرگىزۋ ءۇشىن مول مۇمكىندىكتەرىمىز بار. قازاقستان ۇكىمەتى تۇرىك بيزنەسى ءۇشىن سەنىمدى، ءارى ۇزاق مەرزىمدى سەرىكتەس بولۋعا دايىن. ءبىز ينۆەستورلاردى قاجەتتى رەسۋسرتارمەن، ينفراقۇرىلىمدارمەن قامتاماسىز ەتۋگە ءازىرمىز جانە ونىمدەردى ەكسپورتقا شىعارۋعا قولداۋ كورسەتەمىز.