بەلگىلى جۋرناليست قىمبات دوسجان جانىبەكتى ساۋدالاعان ايەلدىڭ تابىلعانىن ايتتى، دەپ حابارلايدى اlmaty-akshamy.kz.
ول بۇل تۋرالى الەۋمەتتىك جەلىدە مالىمدەدى.
«اقشا العان ايەل بەلگىلى ەكەن. ونىڭ اتى كىم، نەگە ايتپايسىزدار؟» دەپ سۇرايسىزدار. قازىرگى ۋاقىتتا قىلمىستىق ءىس تەرگەلىپ جاتقاندىقتان ول ايەل تۋرالى ايتۋعا ەش قۇقىم جوق. نەگىزى بۇل ايەلدىڭ اتىن، قايدا تۇراتىنىن، نەمەن اينالىساتىنىن ءبىز وسى جىلدىڭ قاڭتاردىڭ 7ء-سى كۇنى انىقتادىق. بۇنى قىمىستىق ءىستى تەرگەپ جاتقان ارقالىق پولييسياسى دا بىلەدى»، - دەدى قىمبات دوسجان.
جۋرناليست جانىبەكتى ساۋدالاعان ايەلدىڭ اۋدارماشى بولىپ جۇمىس ىستەگەنىن ايتتى.
«2004 جىلى اقشا العان كەزدە ول ايەل ارقالىقتا جۇمىس ىستەگەن. سىزدەر ويلاعانداي پەرزەنتحانادا نەمەسە بالالار ۇيىندە جۇمىس ىستەمەگەن. ول ءتىل بىلگەندىكتەن اۋدارماشى بولىپ جۇمىس ىستەگەن. 12 مىڭ دوللاردى قولىنا ساناپ العان كەزدە، جانىبەكتىڭ اسىراپ العان اناسىنا «ءسىز از بەرىپ تۇرسىز، امەريكالىقتار بىزگە ۇل بالالار ءۇشىن 20 مىڭ دوللاردان جوعارى اقشا بەرەدى» دەگەن.
2020 جىلى اقشا العان ايەل ۆالەرييمەن (جانىبەكتىڭ اسىراپ العان اناسى) حات جازىسقان. ول جەردە «جانىبەكتىڭ جاعدايى قالاي؟» دەپ سۇراعان. بۇعان دالەلىمىز بار. وقيعانىڭ ءمان-جايى تەرگەۋ اياقتالىپ، سوت بولعان كەزدە عانا بەلگىلى بولادى. «بارمىسىڭ، باۋىرىم؟» حابارى جانىبەكتىڭ اناسىن ىزدەۋدى ارى قاراي جالعاستىرادى»، - دەدى جۋرناليست.