«قازگيدرومەت» رمك ەل اۋماعىندا 26 ساۋىردە بولاتىن اۋا رايىنا بولجام جاسادى، دەپ حابارلايدى almaty-akshamy.kz.
سينوپتيكتەردىڭ مالىمەتىنشە، قازاقستان اۋماعىنىڭ وڭتۇستىك، وڭتۇستىك-شىعىس، شىعىس بولىگىنە ءالى دە وڭتۇستىك سيكلون اسەر ەتەدى جانە اتموسفەرالىق فرونتتاردىڭ وتۋىمەن نايزاعاي ويناپ، جاڭبىر جاۋادى.
«ەلدىڭ شىعىسىندا تۇندە قار، كۇندىز جاۋىن-شاشىن (جاڭبىر، قار)، ەلدىڭ وڭتۇستىك-شىعىسىنداعى تاۋلى ايماقتاردا جاۋىن-شاشىن (جاڭبىر، قار)، وڭتۇستىكتە، وڭتۇستىك-شىعىستا قاتتى جاڭبىر، بۇرشاق تۇسەدى، تاۋلى ايماقتاردا قاتتى جاۋىن-شاشىن (جاڭبىر، قار) جاۋادى. رەسپۋبليكا بويىنشا جەل كۇشەيەدى، وڭتۇستىكتە، وڭتۇستىك-شىعىستا قاتتى جەل سوعادى. ەلدىڭ باتىسىندا، سولتۇستىگىندە عانا جاۋىن-شاشىنسىز اۋا رايى ساقتالادى»، — دەپ جازدى ۆەدومستۆودان.
ۇلىتاۋ وبلىسىنىڭ شىعىسىندا تۇندە 2 گرادۋس اياز كۇتىلەدى.
ماڭعىستاۋ وبلىسىنىڭ باسىم بولىگىندە، ورتالىعىندا، شىعىسىندا، باتىسىندا ءورت ءقاۋپى جوعارى بولۋى مۇمكىن.