وليمپيادادا 80 سپورتشى قازاقستان نامىسىن قورعايدى.
پاريجدە 26 شىلدەدە ق ر قۇراماسىنىڭ قاتىسۋىمەن XXXIII جازعى وليمپيادا ويىندارىنىڭ سالتاناتتى اشىلۋ ءراسىمى ءوتتى. ءدۇبىرلى دودانى ەلىمىزدە تىكەلەي ەفيردە «قازاقستان»، Qazsport، «حابار»، «ەل ارنا» جانە «جىبەك جولى» تەلەارنالارى كورسەتتى، دەپ حابارلايدى aqshamnews.kz.
الماتى تۇرعىندارى مەن قوناقتارى وليمپيادانىڭ اشىلۋ سالتاناتىن ۇلكەن 5 LED-ەكراندار ارقىلى تاماشالاي الدى.
- دجامبو - ستاتۋس ەكرانى، نازاربايەۆ داڭعىلى، ساتپايەۆ كوش.قيىل، 14؛
- «اتاكەنت» كقكو - ستاتۋس ەكرانى، اۋەزوۆ كوش.، تيميريازيەۆ كوش.قيىل؛
- «المالى» سوو - ساتپايەۆ كوشەسىندەگى ورتالىق الاڭداعى ستەلا؛
- «سۋم» سوو - مەديافاساد، جىبەك جولى كوش، سۋم-عا قاراما-قارسى؛
- «تيگروحاۋد» سوو – مەديافاساد، اباي داڭعىلى مەن التىنسارين كوشەلەرىنىڭ قيىلىسى.
جازعى وليمپيادا ويىندارىنىڭ اشىلۋ سالتاناتىن تاماشالاۋعا حالىق كوپ جينالدى.
– وتە اسەرلى! مۇنداي عاجايىپ دۇنيەنى ۇلكەن ەكراندا كورگەن ەرەكشە ەكەن. ءارى بىزگە وسىنداي مۇمكىندىك بەرىلگەنىنە قۋانىشتىمىن، - دەيدى وليمپيادانىڭ اشىلۋ سالتاناتىن كورۋگە كەلگەن قالا تۇرعىندارنىڭ ءبىرى.
- جولدارى اشىق بولسىن! ءبىزدىڭ سپورتشىلارىمىزعا بارىنشا تابىستى ونەر كورسەتىپ، مەدال جەڭىپ الۋلارىنا تىلەكتەسپىن، - دەپ تىلەگىن ءبىلدىردى تاعى ءبىر قالا تۇرعىنى.
قازاقستان كومانداسىنىڭ قۇرامىندا وليمپياداعا 80 سپورتشى اتتاندى، ونىڭ ىشىندە 11 سپورتشى مەن ءبىر پاراسپورتشى الماتى قالاسىنان.
بۇعان دەيىن پاريجدە 2024 جىلعى وليمپيادا ويىندارىنىڭ اشىلۋى باستالدى دەپ حابارلانعان بولاتىن. سپورتشىلار شەرۋى كەزىندە قازاقستان قۇراماسىنىڭ تۋىن بوكسشى اسلانبەك شىمبەرگەنوۆ پەن جەڭىل اتلەت ولگا سافرونوۆا الىپ شىقتى.