الماتىدا تاس جولداعى ۆەلوسپورتتان ازيا چەمپيوناتى اياقتالدى.
ۇلتتىق وليمپيادا كوميتەتىنىڭ مالىمەتىنشە، قازاقستان قۇراماسى جالپى ەسەپتە العاشقى ورىندى يەلەندى، دەپ حابارلايدى Almaty-akshamy.kz.
ءبىزدىڭ كوماندانىڭ ەنشىسىندە 6 التىن، 3 كۇمىس جانە 6 قولا مەدال بار. ەكىنشى ورىندا 2 التىن، 1 كۇمىس يەلەنگەن قىتايلىق تايپەي كومانداسى تۇر. ۇزدىك ۇشتىكتى 2 التىن جۇلدەسى بار وڭتۇستىك كورەيا تۇيىندەدى.
قۇرلىق دودسىندا وزبەكستان، يندونەزيا، جۇڭگو، ءباا كوماندالارى 1 التىننان ەنشىلەگەن.
ەسكە سالا كەتەيىك، قازاقستان قۇراماسى ەرەسەكتەر اراسىنداعى ارالاس كوماندالىق ەستافەتادان (فەدوروۆ ەۆگەنيي، گرۋزديەۆ دميتريي، چجان يگور، ريناتا سۇلتانوۆا، ماحاببات ءۇمىتجانوۆا، فاينا پوتاپوۆا) ؛
جاسوسپىرىمدەر اراسىنداعى ارالاس كوماندالىق ەستافەتادان (باتىرحان اليك، مانسۋر بەيسەمباي، ميحايل پودلۋجنىي، انگەلينا بۋرەنكوۆا، ەۆگەنيا زاام ي ەكاتەرينا ۋدوۆىكينا)؛
ەرلەر اراسىنداعى جەكەلەي سىننان (ەۆگەنيي فەدوروۆ)؛
ءجاسوسپىرىم قىزدار اراسىنداعى جەكەلەي سىننان (ماريا ەلكينا):
ەرلەر اراسىنداعى جەكەلەي سىننان (نيكوليا ۆينوكۋروۆ)
جانە قىزدار اراسىنداعى جەكەلەي سىننان (اقپەيىل ءوسىم) التىن الدى.