وليمپيفورما تولىعىمەن دەمەۋشىلەردىڭ قاراجاتىنا تىگىلمەك، دەپ حابارلايدى Almaty-akshamy.kz
تۋريزم جانە سپورت ءمينيسترى ەرمەك مارجىقپايەۆ پاريج وليمپياداسىنا باراتىن سپورتشىلاردىڭ فورماسىن تىگۋگە بيۋدجەتتەن ءبىر تيىن دا جۇمسالمايتىنىن ايتتى.
«وليمپيادا فورماسى دەمەۋشىلەر ەسەبىنەن تىگىلەدى. ياعني، بيۋدجەتتىڭ بىردە ءبىر تيىنى جۇمسالمايدى. دەمەۋشىلەردىڭ اراسىندا ءبىزدىڭ قۇراما كوماندانىڭ جانكۇيەرلەرى دە بار. ءبىر فورما قانشا تۇراتىنىن ايتا المايمىن. بىلمەيمىن. دەمەۋشىلەردىڭ وليمپيادا فورماسىن ازىرلەۋ باقىلاۋدا. شىلدە ايىنىڭ باسىندا وليمپيادا فورماسى دايىن بولادى دەگەن ۇمىتتەمىز»، - دەيدى ەرمەك مارجىقپايەۆ.
سونداي-اق ول وليپياداعا دايىندىق ءىس-شارالارى جايلى ايتىپ بەردى.
«ءقازىر ءبىز فەدەراسيالار باسشىلارى مەن باپكەرلەرىمەن كەزدەسۋ وتكىزىپ، دايىندىق جۇمىستارىن جۇرگىزىپ جاتىرمىز. وليمپياداعا دايىندىق بويىنشا مەملەكەتتىك ورگان مەن فەدەراسيالار مۇشەلەرى بار شتاب جۇمىس ىستەپ جاتىر»، - دەيدى ول.