2016 جىلى ريو دە جانەيرودا وتكەن وليمپيادادا جۇزۋدەن چەمپيون اتانعان قازاقستاندىق دميتريي بالاندين كاسىبي مانسابىن اياقتادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
سپورت جانە دەنە شىنىقتىرۋ ىستەرى كوميتەتىنىڭ مالىمەتىنشە، 200 مەتر قاشىقتىققا براسسپەن جۇزۋدەن وليمپيادا چەمپيونى اتانعان دميتريي ءبالانديننىڭ كاسىبي مانسابىن اياقتاۋ جونىندە شەشىم قابىلداعان.
الماتى تۋماسى كورەيانىڭ ينچحون قالاسىندا وتكەن 2014 جىلعى ازيادانىڭ ءۇش دۇركىن چەمپيونى جانە كۆاندجۋ قالاسىنداعى 2015 جىلعى ۋنيۆەرسيادا جەڭىمپازى.
وسى جىلدىڭ قىركۇيەگىندە قازاقستاندىق سپورتشى ۇيلەنگەن بولاتىن.