اتالاعان وقۋ-جاتتىعۋعا قوستاناي وبلىسىنىڭ اۋماقتىق قورعانىس قۇراماسىندا ەسەپتە تۇرعان اسكەري مىندەتتىلەر شاقىرىلدى
قوستاناي وبلىسىندا «بەكەت-2022» ۆەدومستۆوارالىق وقۋ-جاتتىعۋى باستالدى، دەپ حابارلايدى Almaty-akshamy.kz قورعانىس مينيسترلىگىنىڭ باسپا ءسوز قىزمەتىنە سىلتەمە جاساپ.
كەشەندى وقۋ-جاتتىعۋعا قاتىسۋشىلارعا ۆەدومستۆوارالىق ۇيلەستىرۋدى قامتاماسىز ەتۋ، ءارتۇرلى ۆەدومستۆولىق كۇشتەردىڭ ءوزارا ءىس-قيمىل ەلەمەنتتەرىن پىسىقتاۋ، اۋماقتىق قورعانىستىڭ ۋاكىلەتتى ورگاندارى مەن بولىمشەلەرىنىڭ جۇمىلدىرۋ ازىرلىگىنىڭ جاي-كۇيىن تەكسەرۋ مىندەتتەرى جۇكتەلەدى.
بۇل وقۋ-جاتتىعۋعا قوستاناي وبلىسىنىڭ اۋماقتىق قورعانىس قۇراماسىندا ەسەپتە تۇرعان اسكەري مىندەتتىلەر شاقىرىلدى. ولارعا جاۋىنگەرلىك وقۋدىڭ نەگىزگى پاندەرى بويىنشا ساباق وتكىزىلەدى.
ەكى كەزەڭدە وتەتىن وقۋ-جاتتىعۋدىڭ بەلسەندى فازاسى 21 قىركۇيەكتە باستالادى. مەملەكەتتىك ورگاندار مەن كۇشتىك ۆەدومستۆولاردىڭ وكىلدەرى بەس كۇن بويى «بەكەت-2022» وقۋ-جاتتىعۋىنىڭ بەكىتىلگەن جوسپارى بويىنشا داعدارىستىق جاعدايدى ەڭسەرۋدىڭ جانە سىرتقى قاۋىپ-قاتەرلەرگە قارسى تۇرۋدىڭ ءتۇرلى سەنارييلەرىن پىسىقتايتىن بولادى.
وقۋ-جاتتىعۋ بارىسىندا وبلىس ورتالىعىنىڭ كەيبىر كوشەلەرىندە قوزعالىس شەكتەلەدى. ول جايلى جەرگىلىكتى تۇرعىندارعا قوسىمشا حابارلاناتىن بولادى.