حالىقارالىق شاڭعى سپورتى فەدەراسياسى (FIS) يتاليادا وتەتىن 2026 جىلعى وليمپيادا ويىندارىنا قاتىسۋعا بەرىلگەن كۆوتالاردىڭ رەسمي ءتىزىمىن جاريالادى، دەپ حابارلايدى aqshamnews.kz.
FIS كۇنتىزبەسىنە ەنگەن رەسمي جارىستاردا رەيتينگتىك ۇپايلار ساراپقا سالىنعان ىرىكتەۋ كەزەڭىنىڭ قورىتىندىسى بويىنشا قازاقستان قۇراماسىنىڭ سپورتشىلارى تومەندەگى شاڭعى سپورتى تۇرلەرىنەن وليمپيادالىق جولدامالارعا يە بولدى:
شاڭعى جارىسى - 3 ەر ادام، 4 ايەل؛
تاۋ شاڭعىسى - 1 ەر ادام، 1 ايەل؛
شاڭعىمەن تۇعىردان سەكىرۋ - 2 ەر ادام؛
فريستايل-موگۋل - 1 ەر ادام، 3 ايەل؛
فريستايل-اكروباتيكا - 4 ەر ادام، 1 ايەل؛
شاڭعى قوسسايىسى - 1 ەر ادام.
ايتا كەتەيىك، بەرىلگەن كۆوتالار اتاۋلى ەمەس. قازاقستان قۇراماسىنىڭ ناقتى قۇرامى باپكەرلەر شتابىنىڭ شەشىمىمەن انىقتالادى.
بەلگىلەنگەن مەرزىمدە قازاقستاننىڭ ۇلتتىق شاڭعى سپورتى قاۋىمداستىعى بولىنگەن كۆوتالار كولەمىندە سپورتشىلاردىڭ قاتىسۋىن راستاۋى، سونداي-اق جارىس تۇرلەرى مەن قاشىقتىقتار كورسەتىلگەن اتاۋلى ءتىزىمدى جولداۋى ءتيىس.
وسىدان كەيىن قازاقستان رەسپۋبليكاسىنىڭ ۇلتتىق وليمپيادالىق كوميتەتى قۇرامانىڭ ءوتىنىمىن FIS پەن حالىقارالىق